احلام معقودة
ف ثواني اتشبكت ع الحيطة
وبتقعد تسمع
دقات الساعة الملعونة
وبتحسب لفات العقرب
أبراج القصر اللي بتحضن
ف سحابة عمرك
بتدوب وتروح
من بين قضبان الشباك
بتبص عليها
أحجار ف ايديها
والرمل المحبوس قدامها
بيقولك...الجي هلاك
بابك مكسور..
قصرك مهجور..
والجي حيجي متستناش
كداب الرمل وأحجاره
لكن هي
ازاي تمشي ومتصدقهاش
بتكابر ليه
صدق عينك..ودنك لأ
قمرين باليل؟....
انته دخلت لعالم تاني