فرحت والدتي قدومي للحياة
ورتل والدي انشودة اتاني غلام
وزعت جدتي الحلوة في اطباق
ومسح جدي على جبيني بسم الله وربي يحميك
كبرت وكل شبر بندر
وكل ما مشيت يا صلاة على النبي يردودها الجيران
وما انو صار طولي متر وشبر
الا فكرت ابني اسوار في الجبل وجدران
وبعدها حبيت احلى صبية وصرت اتشاقى وغازلها من بعيد
حسيت الربيع بكل فصوله واتحديت حدا متلي يكون سعيد
فكرت اترك المدرسة ومرن ايدي على نجارة الباطون
وسرعان ما بلش الحرب
والدنيا وقتها بكل الوانها اتبدلت واتغيرت
هون اتجندت وفداك يا جبلنا اتعهدت
وهيك بكيت امي واتو الرجال ليعزو بيي
اتحلى جدي بايمانه بالصبر
واخر كلمة سمعتها وهي بتودعني جدتي
مع السلامة يا شهيد
L.s