فتاة في العشرين
ياخذني النهر..
حد ضفة العشرين
والعشرين ..
مشدودة صدر ناهد
ياخذني النهر..
ما عندي أي ممنوع
وبكيفه النهر ..
خل يعلن الشاهد
خل يكتب خواطر ..
يرسم بمجراه
ولو رادو شعر..
هم عندي متواجد
عشرين العمر..
عد ذني عمي زين
بوسات الأصابع ابد ..
ما تنتهي بواحد
ضل اصعد بعد ..
واتحمل النيران
لان خد الحلو ..
يستاهل الصاعد
ومن بعد الخدود ..
اتحمل انت الريح
لان شعر البنات ..
وي الريح متواعد
ولو تم العدد ..
لاتنسى عد الماي
لان وسط النبع ..
تيار يتصاعد
من الشفة النهر..
ماخذ اصل مجراه
ومن الشفة المصب ..
لاتنتظر زايد
اخذ حصتك ..
عشر بوسات معدودات
واشهك .. موغريبة تموت
لان طبع الزيادة ..
تموّت الواحد
عدنان الفضلي