المشاركة الأصلية كتبت بواسطة رنيم مصطفى
نملة إيه اللي اتكلم عنها ؟؟
لو اتكلمت هقول مواويل
مش هقول الفلفل أبو قرنين
هقول أشتاتا أشتوت
ياأبا زوبعة
ياذات الرؤوس الأربعة
الأستاذ محمد هاتووووووه
وإن كان نايم قيموه
ولو قاعد جرجروه
وفي غرام اللغة أكتر تيموه
وخوفوه ...
عن شغل الجلا جلا توبوه
وعرفوه ...
إن رنيم بنت العم مصطفى ...
من ...
ولا بلاش ماترعبوه
رمضان مبارك
الله الله ~
هناك مَنْ ينافسنا في عالم الـ جلاَ جلاَ
عموماً .. أهلاً و مرحباً
لا نعترض
و لـ......كن :
أشتاتأ أشتوت
أنا هرقع بالصوت
طلعتْ سمكة قرش
من فوق شجرة توت
.............
جلا جلا .. جلا جالْ
و هنضرب بالموال
و محدش ينطق كلمة
يظهر عفروت في الحال
...............
هيرجع جحا لحمارته
و يخلّي الستّ حرامته
توشوش حوت البحر
يصبح نسناس بسلامته
..........
خاتم سليمان معروف
باتكلم بالمعروف
العرش هسيبه فْ حاله
و القطة تبقى خروف
...........
الفار مش شاددْ حيله
عايزني أخاف و أشيله
و أطبطب زي زمان
علشان رحْ يقرض ديله
.........
وحصان شايط متعافي
بيعوم في البحر الدافي
و يعاكس مُهرة جاره
حتى الجو هواه مش صافي
.........
جلاَ جلا .. جلْجلهوش
الخرزة الزرقا فشوش
الحلّ ف أصغر صابع
امسك .. حلّق حوووش
.........
شفتوا الكريم نازل طرقعة
ليه ودن واحدة و روس أربعة؟
سمّوه خلاص من كتر الزار
فنجان و عامل كام زوبعة
........
طالب تصويت مش عارف ليه
أصْله قفاه لامس رجليه
كان ممسوس و صبح ملموس
و الملحوس ما تلومشي عليه
.......
و لا حوصلة و لا حتى عجول
كان متعود ياكل فول
بس حصاوي خد له أجازة
و عشان يرجع نام مبلول
.........
ريم سامحوها على التهويل
عقل خفيف و الدم تقيل
و القرنين راكبين لغزالة
شفتوا النملة غلبتْ فيل ؟
...........
أشتاتًا .. أشاتيت
هيه السمنة زيّ الزيت ؟
شيلوا الرد قوام حُطّوه
جوه العنكب في التوابيت
..........
أشتاتأ .. أشاتيك
فكّوا العقدة عن الأساتيك
حرّ و برد و رعد و كيك
دخل الباب جوه الشبابيك
.......
شُبيك .. لبيك
أنا راجع ليك
و السقف بينزل
من حواليك
.......
شبيك .. لبـــيك
من غير تفتيت
و لا باشا و بيك
تم التصويت
...........
تم التصويت يا رنيم بكفاية
الواد همروش ، و اخواته معايا
أديبة تدب العين في الصابع ؟!
قال إيه بتنشّن جوه مراية ..!
...............
خالص تحياتي للأديبة القديرة/ رنيم مصطفى
كل عام أنتم بخير