ويقولي الشيخ
أمتا ه تعرف أن الحب
وصله بتجمع بين حبيبين؟
قمر ينور على القلبين ؟
حزنك طافح ................. "أي ذاد عن حده""
ولافح فوق أكتاف
الحظ همومك
سبّاق من يومك
بفعل الخير
تزرع دايماً
معروف وحب في أرضك
مع انك طول أيامك
تجنى من ثمرات الدمع عينيك
صوتك واصل
كروان بيغنى ومبيسكتش
بتحب في حجره
مبتحسش ومبتسكتش
وطول عمرك طالع نازل
تقول أشعار
تزيد الهم فوق طاقتك
وتدخل في بيوت النار
ولد حالم
وحلمك فوق جبل عالى
بتتعزب مع ألضحكه
وحبك في أمل خالى
وديمالك هموم ألأزمان
وطول عمرك مع فرحك
عايش حزنان
تعيس الحظ طول عمرك
وافكارك مطلعاش
وحبك مش على أمرك
وطرقاتك ممشياش
يلعن ابو الحزن اللى خيم
ع القلوب
وخلاك يدوب
تضحك عشان تدفن ألم
او تبتسم
علشان تدارى دمعتك
او تسافر
عن عيون ألناس وترحل
ويوم ما تسأل
عن حياتك فين تكون
يومها تعرف
أن طول مشوار حياتك
كنت يدوب ليها المجنون
ليلى مين؟؟وغيرها مين؟؟
يا أبنى اصحى ويبنى فوق
وسيبك من اللى باع حنينك
وحط راسك منه فوق
وامسك الامل اللى ف ايدك
واحلم الحلم الجميل
ولو في يوم حسية تعب
اوع تعلن الرحيل
عارفك وتد
وقاسى أقسى من الحجر
وهتعرف أتلم أللي فات
ويا ريت تكون واعى ل كلامى
ما ياما ولد وياما مات
وياما ناس عشقت وطالت
وياما ناس عشقت رفات
وياما عزبنا كلامنا
وياما خاصمنا السكات
****************************
خالص مودتى واحترامى لشخصكم الرائع
قلم ""رائد الملك""
لكم محبتى