المشاركة الأصلية كتبت بواسطة رائد مصطفى احمد
الرجاء القراءة باللهجة الصعيدية على قدر الأمكان
:::::::::::::::::::::::::::::::::::::::::::::::::: :::::
مكتوب عليا الشقى
حتى في أحضانك
ارسم سنين اللقى
تمنعني أحزانك
مكتوب عليا أعيش
والفرح ميشوفنيش
أرضى بأكل
العيش
والعن في أزمانك
عشقنا اسمك ورسمك
وأنتي
اللى خنتينا
وراضينا نتعب في حبك
ورضيتي تنسينا
وطلعنا والدم سابق
كل الكلام والقول
وأرضيتى بردوا تهينينا
طب بردوا
دا معقول
نصنع سفينة نجاه
يطردنا قبطانك
مكتوب عليا الشقى
حتى في أحضانك
كان فيكي ناس مش ناس
وراضينا ندفع دم
كان فيكى ناس شياطين
ملاعين
كلامهم سم
ولو طلبتى نكون عبيد
هنكون علشانك؟؟؟؟؟؟
مكتوب عليا الشقى
حتى في أحضانك
ارسم سنين اللقى
تمنعني أزمانك
رائد الملك