صباحك حبِّ يا إمّي
يَمِسْكٍ يِسْرِ(ي) في دَمّي
تِفيقي مِنْ قَبِلْ هالشَّمْسْ
وِتِتْمَشّي بهالعَتْمِة
عَلى أرْضِكْ تِشِدّي العَزْمْ
تِضُمّيها وِهي تْضُمِّكْ
وِتِسْقي زَرْعَها يِكْبَرْ
وِيطْرَحْ ثَمْرِتو وْيِرْمي
سِنينِ كْتارِ مِنْ عُمْرِكْ
بهادي الأرْضِ تِهْتَمِّي
وِتِرْويها منِ عْروقِكْ
عَرَقْ مِتْخَلَّطْ بْدَمِّ
وِهالأرْضِ إلْتِحِبّيها
وِبِرْموشِكْ تِصونيها
تِحِبِّكْ هِيّا وِبْتِطْرَحْ
غِلالا لَجْلِ تِرْضيكي
يإمّي يا شَجَرْ واحَة
يِرَفْرِفْ باسْمِ فَلاّحَة
تُرابِ الأرْضِ نَبْضاتو
وِطينا حِنّا دَيّاتو
يَرَبِّ الكونِ احْميها
لَهالأرْضِ اللّي بِتْعِزّا وِتِغْليها