أكتب وسطر يا قلم
اكتب وسطر يا قلم
وفيض عذاب
وانزف على السطور جروح
ألّف كتاب
ارسم خطاوى لغربتك
وامشى على سطور السراب
واحلم ببكرا هيبتسم
او يترسم هالات ونور
وضىّ عالى
او بحور م الامنيات
عيش الحياه بالفرح مرّ
وعدى يوم مكسوره
فيه الامسيات
واكتب اغانى من الالم
حتى الاهات
بس اوعى مرّه يا قلم
تخون ماضيك
وتعدى كل شطوط عذابك
فى كتابك
وشى راضيك
ناسى المرار اللى اترسم
بسطور شبابك
وتعيد حسابك
تختلف ترمى الاهات
تلبس الافراح بتوب
وتدارى فيك ندبات
بتحرق جوا منك
ذكريات
وتقول خلاص
دفتر حياتى اتمحى
والصفحه بيضه
وتعود لحلمك القديم
هيصه وزيطه
وتملى الدوايا ومحبره
بحلم الربيع
وتقول غرامى لسه باقى
بقلبها
ولا يوم يضيع
وكان زمانها شىء بديع
وانا لسه برضو بودها
وتنسى ماضيك
بس افتكر واحذر الايام تهل
وترجع الكفه اللى طابه
وكل احلامك تمل
الماضى شىء وجدار
اساسى
لو هدمته بكرا يبقى شىء
وراثى
وكل جرح يهون ويصبح
شىء مجازى
لو كدبت فيوم
هتكدب كل يوم
وتكون سطور المّر ليك
اكبر هموم
حتى الحروف سا عتها
تلعن دفترك
وتسب يوم
كان الكلام فيه لك صديق
رد مع اقتباس
المشاركة الأصلية كتبت بواسطة الطنطاوي الحسيني
