لسَّه كلامِّى مَنْتَهاش
واللي أبْتَدى بينا حْكيات
والْقصة لسه بْتتنقش
زي النقط على كُومْ حروف
مَعَشِرتهاش
مِنْ أمْتى يابحر الْغَرام
بَرمِي حُمُوْلِّى عَ الظُّروف
لَازم أدوس وأجرى أدوَّر عَ الْرموش
بين المَوانِّي والشِّطوط
رأسِّية السَّفِينَه
ولَّا لسَّه يا بَحر مُوجك مَرسَّهاش
لِسَّه الْورُود فَاتحة تِنَادي الشَّمس فى كُل الوجود
تتهِنى بالْدفء اللى عَشش ف الْقلوب
رَاسمه سَمَاري فْ ضحْكتك
خَرَزة مَا بين حَبَّات يَاقوت
لسَّه الأماني ممكِنة
واللي أبْتَدى بينا
وِيشْهد رَبِّنا أصل الوجود
مَلَّكُوت بِينْبُض بالْحَنان
ساكن على حْدود الزمان
دَقَّات على وتر الأمان
لسَّانِّى مُشْتاق للسلام
اللي أبْتَدى بينا بْؤِام
هَرِّمي كابوس اليأس
ف بْحور الظلام
وَأتْخَطَّى بيكى السكة
وأرفُض لِ نْهزام
بس أنتى حاولي ترْجَعي
تتبَسِّمي وتْزَغرد الضحكة
الجميلة ف الْمكان
لسَّه النجوم متْبَسِّمه على صفْحِتى
رافضه الملام
أعْزِف على وَتَّر السكوت
تلْعَن سكوتي وأنْكِساري ودَمْعِتي
وتْقُولِّي لسَّه فيه كلام
لسَّه الزمان طَاوِّى على الصَّفَحات سلام
أُدْخُل وِدَوَّر ع الْحروف
وأنْسى اللى وَاقع منها ف بْحور هَجر خوف
أقْطف زهورك م السَّما
الشمس ليك متْبَسِّمه
والدُّنْيا لسَّه بْتِشْتِريك
أيَّاك تِضيع
وتْضَيع الحلم البَديع
لسَّة الحروف كَرَارِيس
سطور مسْتَعْجِلة..
ورد الربيع...
كوْنَك وَاسِّيع
قلبك كبير.والحضن دافئ
ومسْتَحيل متْحبهاش
سَامع نِداء دقَّات وِنبْض..
وصوت بِيوْجَع جُوا مِنَّك مَرتَواش
لسَّه كلامك منْتَهاش
ولسَّه أصلاً مابْتَداش
أنزل وِخَطط دُنيتك
وأسْكُن مَا بين طَئ الضِّلوع
أفرد جِنَاحك للسما
وأخْطف عيونها بِلَهْفِتَك
وأحْلف مَكَانَّك كان هنا
مِنْ ألف عام
وأن الكلام اللى أبْتَدى بينكو بْسَلام
لسَّه يامَّا وَراه كلام