اه يا ميزان العدل يا مقلوب بحكم جبان
اه يا ميزان العدل يا للي شقك مال كمان
اه يا ميزان العدل يا للي لفيت في الرقاب ظلم الزمان
اه يا ميزان العدل يا للي العدل منك كان وكان
آه يا ميزان العدل ياللي خيوطك مخنقة
اه يا ميزان العدل دي روح الشهيد متعلقة
اه يا ميزان العدل مرجحت الوليد
ولما شب وقام نصبت المشنقة
مين ينجد المظلوم دا ليل ونهار دي روح متمزقة
اه يا ميزانا ياللي خيطك بالمسطرة وبالمنقلة
لما رمانة ميزانك تبقى هي المقصلة
لما ترمي لحمنا في قبور علينا مفصلة
لما تبقى الحكم و الجلاد و خشبة غسل و محملة
اه يا ميزان العدل لما كنا ننظلم نتحامى فيك
اه يا ميزان العدل ليه بتقتل حلمنا داحرام عليك
اه يا ميزان العدل ليه بترضا بظلمنا بس بايديك
قول يا ميزانا نعمل ايه و اللي كاسر ضهرنا انك ميزان
ودو فين اوراقنا كل ورقة بتتعصر بدما الشبان
كل حرف فيها يا ميزان كان طوق نجاة
احنا ملحقناش شبابنا يا ميزان
لما رحنا بعدهم وملقناش في الميدان غير الغربان
لكن حكى لنا كل من بقى منهم قصة غريبة
دول شباب زي الورود بس مليان يا ميزان همة و طيبة
ودع الاهل و ساب ويا وداعه وصيتو
كان بعزمه عارف ان دي هتبقى خاتمته
لما تسال فيهم الليبرالي و العلماني ليه تصلي
يبتسم ويرد يقولك
انه مسلم ابن مسلمة
عارف طريقي اني رايح له هناك دي سكته
عايز نهايتي في الصحيح ابقى خضعت لحكمته
مكانتش فارقة انه اسلامي او م الليبرالية او اي شيئ
المهم يكون جريئ
و يحقق الحلم اللي طول عمرو ماشفو في دنيته
اهو راح هناك هيشوفو يالله في جنته
اهو راح هناك هيشوفو يالله في جنته
اهو راح هناك دا شافو والله في جنته
دمتم احرار مبدعين