في بلاد بعيدة قوي
غايبة عن السامعين
فيها ناس غلابة اشتكوا
في الذل كانوا عايشين
وفي الطريق مزرعة
فيها كتير تعابين
تعدي يوم تتلدغ
وتكون من الراحلين
قعدوا سوا يفكروا
احنا هنعمل إيه
لابد للمشكلة
من حل ياغاليين
فيه شاب قام واتنفض
بحل حلو متين
وراح بسيفه وقتل
تعبان كبير تنين
قالو خلصنا خلاص
وبقينا آخر هنا
وف الفرح عايشين
وبعدها بكام سنة
صحيواوكانوا نايمين
لقوا البلد كلها
في سطوة التعابين
ياللي انت يوم تتقرص
من أي جحر دفين
إعرف بإن الأذى
ييجي من الباقيين
تعيش بعيد عنهم
عمرك ماتبقى حزين