وليه يادنيا سبقانى
وكرهانى000
وضامة الحزن بالكيلة
وبالكيدة
بترمى الحمل فوق كتفى
وشيلالى الألم بسكات
وليه يادنيا واخدانى
فسكة طويلة محفوره
ومكسوره 0 عيدان الشوك
وانا بالتوه بخطى فوق دروب الشوق
ومتبعتر على الطرقات
ألملم نفسى فيكى سعات
واحضن حضنى لأدًّفَّى
الاقيكى تِميلى تانى بالكفة
وعلى غفلة
الاقى نفسى ع الحافة
وتدور بيا بقا الاوقات
والاقى السكة نفس السكة
فيها الحزن متزوق ف كاس شربات
قليبى يدق مش فارقة
مدام الدقة بتدندن كما السكرات
وتنقش فيا نبض حروف
بتتمخطر على الندبات
فليه يادنيا سبقانى
وسرقانى
وقافلة ليه طريق النور
مادام لسه الامل بيدور
ياتفتحى ليا باب لقبور
لتطوى معايا ف المسافات