درب الهوى كان العمر كلو صفا كنا سوا ليل وسهر والنور عم يمشي حفا ويفارق غصون الشجر انتا وأنا ونسمة جفا هبت على الحلم انكسر قنديل هالليل انطفا وين القمر مافي قمر ياشوق ياحرام الغفا يامرخص دموع البشر ياحب لمحة واختفى ماعدت شفتلو أثر يابرد عم يلغي الدفا يادموع عم تمحي الصور حكمة وماكنا منعرفا إنو القدر هو الأمل شو صار يادرب الهوى يازارع بقلبي التعب مش هم ماعدنا سوا ولاهم نبرم ع السبب المهم من بعد الغرق ننسا العذاب إلي مرء بعدك ياقلبي إلي احترق مغروم حرقة من اللهب من وقت ماالكون ابتدا كانو تنين بهالدني وماكان في غيرن حدا ولا ينطفي الحب الهني قلبن على الشوق اهتدا صارت سنة تسرق سنة تاصار يوسع هالمدا والبعد يكبر بالدني واليوم صرنا ع الهدا نحرق حياة مزينة ماضل بالوردة ندا ولا في غصن عم ينحني وبقيت وحدي ماعدا أحلام عمر الولدنة لا صوت حتى ولا صدا ينده ويسأل شوبني شو صار يادرب الهوى يازارع بقلبي التعب مش هم ماعدنا سوا ولاهم نبرم ع السبب المهم من بعد الغرق ننسا العذاب إلي مرء بعدك ياقلبي إلي احترق مغروم حرقة من اللهب
كلمات أغنية دينا حايك