حرام في ارضنا الطاهرة
بجد تعيش
/
/
/
/
وحاولنا بلعنا لقمته المرة وقلنا نعيش
وحوّلنا مرارة صبرنا الطافح دي لقمة عيش
نغمسها دما ولادنا وعار يلبس في احفادنا
نغطي وشنا في شاشته اللي عايصها من اعراضنا
و نضحك حتى على روحنا ونعمل م التراب قراقيش
وقال شعبو اللي فوضله و لعوزنا وقتلنا متخنقنيش
فرد بكل غطرسته و سهوكته و صهينته بأنه مفيش
مفيش أدي ولو كسرة
مفيش أدي غير الحسرة
مفيش و مفيش كده لبكرة
ومليون الف من بكرة
مفيش ومفيش
معنديش غير رصاص ليكو راح اقتلكم وانفيكم
جيلين وجيلين معديهم معديكم
و ابقى فوق كراسي المجد بالكرباج وهاهريكم
و ريحة ثورته العفنة مغطيها ببدلة جيش
مفيش عندي سوى الكرباج وسجاني
وساحب م اليهود سيفي و طايرتي و عنواني
أنا فرعونكم الصامد و جامد قد ما أجاهد
واقتّلكم واكفنكم باكفاني كدا واحد ورا التاني
متخنقونيش
مساجدكم تفرخ ليا ارهابكم
و صلواتكم تجيبو بيها تعذيبكم
راح ارهبكم واعذبكم واطفشكم
واكلبشكم يجيبكو شاويش
كده معنديش
رضينا نبقى شعب وشعب و قلنا طب نعدي الصعب
لكن ساب الحدود لينا
و خاد أجرة معازينا
مقاولة كل يوم فينا
و اكفانا بيهدينا
واولادنا
وحسرة ليه نخلفهم
عشان فرعونا يقتلهم يكفنهم
و يقطف زهرنا الزاهي رصاص و مفيش
و يدي للفوق الراس قروش وعروش
ضرايبنا و قوتنا اللي باقي في بطونهم
و نتقشف
عشان كل الكلاب تلبس زينات مع ريش
و صدق نفسه واستضعف
و هان مكانتنا واستظرف
فضحنا للي ما يعرف
وجاب كام كلب من عنده
وماستنضف بعرض كروش
وبعض الجهلة من فينا يقوله رسول
وبعض الكفرة سجدوله و ركعوله بكفر عقول
و اعلامنا العميل يملى
باذهانا و يحشى قوله ف ودانا
ويصرخ كل يوم بشاشات يقول دا ذهول
وفات العام بسهوكته و حرتفته و خيبة الدنيا بتذله
لأن الشعب يوم قاله بكل لسان و ترك لجان
متلزمنيش مفيش ومفيش متلزمنيش
ومش عايز رئيسي شاويش
فلأه لأه يا عسكر هنتحرر و هنحرر
بلادنا من كلاب مع جيش
و محنش تاني راح نسكت
هناخد حقنا بإيدنا عشان إحنا بعزمتنا
وأحرار واضحة سكتنا ومش تقدر تعبّدنا
وقررنا ناخد تارنا ياترحل اما مشنقتك نعلقها
لأن احنا لا يوم كنا ولا صرنا ف يوم دراويش
مفيش بعد يومنا سكات
و لاتعدادنا في الاموات
مفيش غير القصاص مرات
هيقطع دابر الجاحد
فيالله ارحل و لا تعاود
بلادنا لسة ليها رئيس
فإنته تغور في ميت داهية
حرام في أرضنا الطاهرة
يا سيسي تعيش
/
/
/
اللهم نصرك وفرجك و رحمتك من كل خاين
اللهم ارحم شهداءنا وواسي جرحانا و اربط على قلوب اهلنا بالثبات واليقين
و مكن لشرعك وحقك و إذن يارب ان يعود ويسود آمين