/
/
/
أنا إنسان ، أنا إنسان
وقلبي للوفا عنوان
و روحي بتعشق العالم
بناسه بأرضه والحيوان
****
أنا إنسان عشق حقه
و حَبِّ العدل واشتاقله
و ماشي بنور على دربه
و قلبه بيكره الطغيان
*****
يا ناس الظلم بينَّا ليه
و ربِّ الكون مِبَارِك فيه
قوي اتجبَّر على الضعفا
نسي من طينة ربُّه باريه
*****
أنا إنسان بلون قمحي
وفيه أبيض وفيه خمري
وفيه اسود وفيه اصفر
دا خَلق الله وبيه يدري
*****
بنبضةْ حبِّ باتعلَّق
ونبضةْ عطف للغلبان
ونبضةْ شوق لمحبوبي
ونبضةْ عدل للشقيان
******
ونبضةْ خوف على المجني
ونبضةْ كُره للي خان
ونبضه تثور على الجاني
و نبضه تِعِزِّ للأوطان
******
ونبضه بترحم المخلوق
كبير وصغير ولو حيوان
ونبضه بتدعي للأمة
دا كل المسلمين إخوان
******
وديني بحبه من روحي
ولا اتعدى و لا أتهان
وكلِّ الناس سواسية
وحقِّ العالمين يتصان
*****
ونبضه تحبِّ خالقها
توحِّد ربَّها الدَّيان
ونبضه تحن لرسولها
محمَّد قمة الإحسان
*******
دا وصى الأمة تتمسِّك
بسيرته تْطَبَّق القرآن
فترحم كونها دا وخلقه
تعلِّي قيمة الإنسان
*****
أنا إنسان بقول غيري
زمان بالعدل كان إنسان
******
/
/
/
دمتم مبدعين