عارفة من يوم بعدي عنك
عمري ما ندمت بصراحة
أصلي ح اندم يعني ليه
و انتي سهلة و مستباحة
إستفزيني بغبائك
و اندهي على دول و دول
زودي الأعداد شوية
و اسمحيلهم بالدخول !!
إلبسي زي الوحيدة
اللي عايشة بين حيطان
إحكي ليهم كل حاجة
و ارجعي لأيام زمان
ضيعي العمر ف كلام !!
كل واحد شايفة إنه
نفسه فيكي
إفتحيله مجال عشان
يلمس إيديكي
حتى لو كان في السلام !!
كوني نفسك ...
ما تعشيش دور الشريفة
عادي يعني نبيل و محسن
( في الغلاوة ) زي تيفة
مش مهم كلام كتير
أنا قولتهولك
مش مهم الخلق تحفا
عشان تطولك
المهم انك متاحة !!