رنات محمول 00!!؟
ما تسيبها ترنْ
يا أبو درشْ
هبلاك
ونزلالك زنْ
ف البيت والشارع
وكمان ف الشغل
وإن كانت
رنة مجعوزة
وسكت عليها
وطنِّشت
تبعت لك
رنة و رسالة
تطلب حاجات
ملهاش عوزة
وتخلي جنابك
تطلع عفاريتك
تضرب بجناحك
الهوي وتهشْ
****
بتقول لك 00
إياك الليلة تتأخر
هتلاقي الباب
زي إمبارح
مقفول بالضبَّة
ومتسكَّر
وإن بدَّرتْ
وجيت بدري
هاتلاقي النور
لاحمر نُّور
والبدر منُّور
ومدُّور
وتلاقي أوضتك
مفروشة
والورد مفتَّح
ومزهَّر
****
عصافير الجنَّة
بتغني بعشق
مواويل للحب
والورد برشْ
العطر الفايح
حوالينا رشْ
بتكلم جد
مش كدب وغشْ
بس أنت
بلاش تتأخر
عجل وتعالي
يا أبو درشْ
****
لو نفسك بقي
تحلَّي السهرة
هات وياك
حبة فاكهة
كتر يا حبيبي
من المنجة
لو كات خضرة
أو عجْر
لفها يا حبيبي
في حبة قشْ
دا بنار الهوي
تستوي ف العش
ما تشهِّلْ يا لله
يا بودرشْ 00!!
الفجر الليلة
جاي بدري
وساعة الحظ
ما تتعوضشْ