لما كان حلم يراودني
كنت باحلم بك سنين
كنت باعشق فيك سكوتك
رغم احساسي بصوتك
نبرته كانت حزينه
زي طير سابه وليفه
يوم لقاهم يبقي صدفه
والقلوب متشوقين
راح ماضينا
تاه حاضرنا
والبعاد مكتوب علينا
واحنا كنا قريبين
كنت تسرق خوفي مني
كنت جوه عنيه نني
كنت اشوف روحك فراشه
حاطه جوه قلب قلبي
بتناديني بالحنين
كله ضاع ويا السكات
رغم حبي وعشقي ليكي للممات
بالقي ارضي الخضرة دبلت
والبحور جوايه نشفت
والشهور طالت سنين
لسه باحلم.......ايوة باحلم
تبقي لي شط الامان
لسه هاحلم....
تحمي حبي يوم ما يظلمني الزمان
ليه تخلي القلب يصرخ بالانين
رغم اني ببدر الاشواق حنين
جوه محراب السنين