حكاية زمان
الليل فرد علينا العبايه
والخوف تماثيل خشب
خيال الماّته
الخوف
كانت
جدتى بتحكى الحكايه
كان ياما كان
كان زمان....!!
كان زمان بيحب عبله
عنتره
لا مره يوم شفناه جبان
ولامره خان
كان حب عبله بين عنيه
وبسيفه كان يرسم لدنيتها
الأمان
وفي الميدان
يرسملها الحلم الجميل
فوق راسها تاج
شمس الأصيل
تحضن شموخ النخل
يسقيها
من كفه الحنان والسلسبيل
ويطرز الحلم
اللي ساكن قلبها بسحر البيان
احكي ياست الكل قولي
عن زمان واين زمان
عن نخلتين فى العلالي
عن ضحكه صافيه
وقلب زى الشهد خالى
عن ساقيه دواره الليالى
عن حلم كان.... مليان أمان
لا في يوم شكت
من طول سفر
واللف عالمشايه
السكه دي سكتي
والضحكه دي ضحكتي
و الغنوه كانت غنوتي
للتوته والضلايه
والقلب كان.... فرحان
والأرض طراحه أمل
تطرح سنابل
تطرح .
في وجه اللي اعتدي
اطنان قنابل
هي دي قصة زمان
الخوف ماكناش نعرفه
ولاحد يهرب..
أو يفاصل
الأرض كانت ارضنا
وما فيش ما بينا
سلاك تشوك
أو فواصل
هي دي قصة زمان
احكي يا ست الكل..
قولي..
كان زمان
ايام صلاح الدين
لما شيدنا القلاع
لما كان فينا المثني
لما كان فينا الشجاع
أما النهارده
فينا اللى ضحى بالقضيه
فينا اللى سلم واللى باع
حتي الوطن
ما فاضلشي منه
غير حبة حروف.
متفرقه متشرنقة
تايهه ومش لاقيه النقط
و بقينا عرضه للضياع
احكى ياست الكل قولى
ع اللى حاصل فى العراق
بلد الرشيد والمعتصم
صبحت محطه للفراق
ومفيش مكان..
فى الدنيا لينا
وفيه أمان
ولا حتى أ صبح فيه كيان
احكيلنا عن غدر اليهود
عن زحف..
أسراب البعوض
عن غدر سفاح الصهاينه
واللى بيخونوا العهود
عن قرد أمريكا
.اشترىفينا وباع
الكل ضحى بالقضيه
الكل باع
عن الفساد اللى وصل
حتى النخاع
عن مين كسب..
ولا خسر
اّخر رهان
ولاتيأسيش
واطمنى
الفجرراجع تانى لينا
طول ماالسلاح فى
أدين مناضل
والحجر..
فى أدين شجاع