هِستِك بسْك
هستك بستك بطل تعلب
كالأطفال
الناس عارفه لكن ساكته
وشايفه الفار
أرخي الأستك جايز يفلت
من المسمار
أيلوك وشك ويطرف عينيك
وتعيش أعور يا جخوار
دايما ماشي على دحريجه ؟
نازل تجري على زحليقة
حاسب وشك قدام حيطة
خدت أيامك وسط عيالك
ورحت تهاتي على أسيادك
ونازل تهوهو وتشعل نار
إياك تنسى إنك عادي
ليك في الزفة ليك في الفاضي
وبدك تطلع وتبقى القاضي
ويصدر حكمك بالعشوائي
آه يا ابليس يا ابن الواطي
ليك الليل يا وطواطي
وعامل حسابك ونازل تنعر
والسيل يجري بأرضك راقي
هدي تعدي تنصب ضهرك
وسط النار
سكن قلبك تحت ضلوعك
وحط لسانك تحت أسنانك
وبطل تنطح جو الغار
يا انهار اسود صبح الأرنب
تور زعرار
مالك يا ابني عمال تجري
ونازل ترقص رقص دمار
يخرب بيتك والبيت بيتك
قبل ما تشطح نازل تنطح
ونازل تاكل في لحم اسيادك
ونازل تعلب في المضمار
عشنا وشفنا أبوراس قرعة
شايل طبله ابن جنينة
ونازل يغني ويضرب طار
هستك بستك بطل تلعب
كالأطفال
بقلم : سيد يوسف مرسي