جاني جنون البقر
جاني جنون البقر حصْرخً وحـــــتْكلِّم
يا خلق هوه إسمـــــعوا بقرء وبتْـكلِّم
دي حاجات تخلي البجم والصخر يتْــكلِّم
الأوِّله في السلام والقدس والجـــــاري
في الأقصى دي مجْزره والدم أهو جـــاري
والدم ده دمِّنا في رقبـــــتي أنا وجاري
إذَّاي أموت وانخرص وشرون بيتْكــــلِّم
القدس دي قبلتي والقبله دي ديــني
منها نبينا عرج للســبع في ديــني
وجه بشرع الصلا من ربِّنا وديــني
والصخره تشْهد لنا والأقصى وخلافه
وبيوت بناها العرب بالدم وخْــلافه
وان جه شرون يهْدمه بالنسف وخلافه
أموت شهيد ماندفن وابقى على ديـني
ياناس ياهوه صحْصَحوا الحرب أهي جيَّه
جيَّه وجيبه الدمار والأخره كـمان جيَّه
والساعه ساعة رجال للمــعركه الجيَّه
والموته موته فطــيس إنْ خفْنا وجرينا
ندخل جهنَّم مع الأوغـــاد وجرينا
ورضينا بالظلم قام الظـــلم جار لينا
بالله قوام صحْصَـحوا الساعه دي جيَّه
أُمِّةْ محمد جمعْها ولإله معـــــــبود
تحكم بشرع النبي وربِّنا المعــــــْبود
ونعيش سوى كُلِّنا فيْ حْمايةِ المعــــبود
والنصر حتْما حييجي وعد من ربِّــــي
في سورة الإسْراء دخْلـــنْها بنْـــلَبِّي
والقول د قول ربـــِّنا شيْفُه أنا بقلـبي
يا شعْبنا صحْـصَحـهْ دي الجنَّه للموْعود
نظم / محمد البهلوان