شكرا للكل

شكرا لكم على آرائكم القيمة والتي سترونها في جريدة القبس إن شاء الله وأتمنى أن ينال التحقيق الصحفي على رضاكم والذي لولا مساهماتكم ما كان له قيمة .
اليوم نبدأ المشوار من جديد ولكن بصورة مختلفة هذه المرة اليوم يتجدد اللقاء مع مقولات شعبية سأقوم بعرضها لكم لأتشرف بآرائكم وكالعادة سترونها في الجريدة والمقولات هي :
1- ما تعرف قديري لين تجرب غيري
2- الزين زين لو قعد من النوم والشين شين لو غسل عيونه
3- تجي تصيده يصيدك
4- ابن الوز عوام
5- عتيج الصوف ولا جديد البريسم
6- من بغاه كله خلاه كله
7- الهون أبرك ما يكون
8- حلي لسانك كل الناس خلانك
9- ما يخدم بخيل
10- البعد بعد القلوب مو بعد الدروب
11- مكسورة وتبرد
12- اللي ما يطيع يضيع
13- شيلني وأشيلك
14- الصاحب ساحب
15- راعي النصيفة سالم
16- حلات الثوب رقعته منه وفيه
17- عدوك مو من قال فيك عدوك من بلغك
18- الحي يحييك والميت يزيدك غبن
19- ما يخدم بخيل
20- اللي ما يعرف الصقر يشويه
21- يا شين شيئ ما شابه أهله
22- اللي بالجدر يطلعه الملاس
23- قبل ما تضمها اسأل عن أمها
24- لي طاح الجمل كثرت سجاجينه
25- حبل الكذب قصير
26-لا هم إلا هم الدين ولا وجع إلا وجع العين
27- من عاش بالحيلة مات بالفقر
28- من كثر هذره قل قدره
29- المال عديل الروح
30- إذا كان حبيبك عسل لا تلحسه كله
31- اللي ماله أول ماله تالي
32- بنت الرجال لو بارت والجادة لو طالت
33- تباهت القرعة بشعر بنت حماها
المقولات السابقة أريد من حضراتكم رأيكم فيها بالوافقة أو الرفض ومع ذكر السبب للموافقة أو الرفض ومقولات مشابهة لها في المعنى في بلادكم أي مقولات تحمل نفس المعنى لديكم ولكم مني كل الشكر مع رجائي بسرعة الرد وإرسال صوركم الكريمة .