اعملك من عيني حجاب

	أغزل لك .. من خوفي عليكي ضلاية واتوضي.. من ضي عنيكي بهنايا وافردلك من جفني ورمشي شمسية تحميكي ... من نفسي.. وعيني.. وهوايا واعملك احلامي مراية واهديكي بنجوم الليل وهيامي وضي القمراية ====== وأسهرلك وبطــــــــول الليل ومنايا تهواكي منايا وف قلبي مولع قناديل تنورلك ... بدل الشمعاية ======== ف الغربة ياما شفت الويل وهواكي كان هوة دوايا انا شايلك دفتر مواويل في الحزن وف الفرح معايا لو حري مشوارو طويل ف الصحرا انتي الشجراية ======= انا كنت مسافر والغربة خلتني تايه علي طــــــــــول راح أسافر؟؟ واتعب واتغرب؟؟؟؟؟؟؟؟ ولا اقعد واختصر القول ============ فتحت ف قلبي الكراسة وكتبتك عنواني وسكني نذرتلك من دمي حراسة وعاهدتك بالروح وبكفني ......... ..... وتمر سنينك ....... وسنيني وانا شايلك صورة ف كتاب انا راجع والشوق يكويني مستني اشوف الاحباب .......... فكراني ولا نستيني فتحالي لسة ألابواب؟؟؟؟؟؟؟؟ ========= ياما نفسي ف حضنك اشكيلك واتوضي من عنبر نيلـــــــك واصلي ويا الاصحاب وفلحظة .... فرحي اغنيلك....واعملك من عيني حجاب اعملك من عيني حجاب

خالد الهواري