قصيدة تنهل من مقام صوفي مهجور يدعى عند أهل العرفان بالمقام الملاماتي


يا نجمة وسط السما تسبح لله سا بحة
تجري في فلك لا وقوف وانا نحساب حابسة

تجري ومعاها اخوت كيما لعواد جامحة
وحتى وحدا ما تفوت على عينيا العاسة

احليلك احكي لي اعلاش بين اخوتك كاشحة
وانا يا ساهر امعاك في دا الظلمة الدامسة

بالاك انايا اغشيم نحرث في أرض مالحة
ويلا ما جاني الخير انقول ليام ناحسة

لا يعود اجناني او نات حدو حدبة قاسحة
كل عام انزيدو الما والسدرة فيه يابسة

بالا ك انا يا بخيل يدي ديما طارحة
خايف لا يجيني اغدا ونلقى لجيوب فالسة

ناسي ربي اللي لفوق او نفسي بالناس فارحة
ايلا وراوني السن علي لقلوب داسة

مدى ما شف م افقير يمشي باكتاف طايحة
ساكت ما صحو اكلام لعيون اعليه طامسة

في ساعة ولى بخير ولى وردة فايحة
كل نيف ايشمشم فيه واسميتو دايرة اكسا

ما جاب لروحو اخبر او هو في عين الرحا
وامنين ارقاق بالطحين ولا حطبة ناجسة

مسكين ما درى بالغدر والدنيا ليه شاطحة
لمت اعليه ما اعطات ونقلبت ليه عا بسة

يا ريتو كان فكر في ذرية صالحة
تعاونو في ساعة لعسر وايديه م الزلط داحسة

بصاح اداه السهر واهوى صحبة جايحة
فالليل مايجيها ارقاد او كي يجي الصباح ناعسة

اولادو في حياتو يتام ليد اعليهم ماسحة
يا ويح من قال لو حرام تربي لكباد تاعسة

امريض او داه لكبر نفسوبالفوق قارحة
لو كان فالقابسة دواه نهديه مياة قابسة

اقلبي اعلاش دا لعواج واطريق الحق واضحة
لو كان انتايا انسيت شوقي والله ما انسى

تو حشت ايام لعشق وداتي فالرق سارحة
روحي هايمة بالحبيب باسمو ديما هامسة

سا عات ايجيني الخوف نرجف بكل جارحة
نعرق في عز الشتا فنص الليلة القارسة

سا عات انبات على الجوع كرشي فالقوت سامحة
عاطي خدي للتراب اجنابي ليها مارسة

ساكر او خمري الروح منو ماهي كاسحة
لو كان بالجمرة اكواو داتي ماهي حاسة

ساهر وارفاقتي انجوم ودموع العين راشحة
تنقي من قلبي اهموم نفسي بيها دايسة

تصفي من اسمايا اغيوم برياح الحب رايحة
واحمام الرحمة يحوم وانا حبة باخسة

لين اقساها اللوم ولجلدتها لا يحة
لو كان اعلي ايدوم اندوب انولي احسا

في بحر الحشمة انعوم اشواقي بالموج رادحة
محرم اعلي النوم او روحي فيه غامسة

اخويا صلي او صوم واخدم خدمة فالحة
في ورود الدنيا اسموم لا تعود ايديك ماسة

تستر داتك بالهدوم ونفسك للناس فاضحة
وعينيك اكحلها احموم هاد الدنيا الواكسة

يا سعد الباكي اليوم واذنوبو ليه ناصحة
خايف الموت لا تجيه ايلا صبح ما امسى

واللي غافل يالقوم اقراو اعليه فاتحة
والله يهدينا معاه اشكون اعليها ارسى

وجلول يا سامعين ليه دعو ليه دعوة راجحة
شاعر ماهوشي فقيه لا تعود نفسو بايسة

مولانا بينا ارحيم محبتو للقلب شارحة
بكتان التوبة اكريم ولرواح منو لا بسة

جلول بن يعيش /وهران/2005