المفاجأة

	صحيت م النوم وانا فاكر بواقي الحلم في الآخر بتكتبلي وانا الشاعر قصيدة شعر ف إديها وجوا القلب حطتها فركت عنيا بإديا ورن البوسطجي جرسي فتحت الشيش وكان شعري ساعتها كنيش سألني:"مصطفى عمار؟" جاوبت وقبل ما فكر لساني طلقة بتفجر مشاعر جوا مكتومة أناعمار ومين غيره هتفتكره تبعتله قصيدة حب وكان قلبي بيتنطط من الفرحة اكيد في الظرف صورتها وهيا لفه لي الطرحة نزلت السلم اتمختر لقيت البوسطجي مكشر! صباح الفل صباح الفل ع الحاضر وع المستقبل الراضي وع الماضي ماتمضي يالا يا استاذ بقلبي ؟ ولا بدراعي؟ ما انا ماضي مخدت الظرف في حضني وانا اللي عشانه مستني وصلت لشقتي فرحان وخوفت الناس تكون بَصَّة فقلت الباب مع الشباك وغنى القلب انا بهواك فتحت الظرف لجل افرح بأجمل فلة راح تطرح بأحلى عطر في الدنيا فتحت الظرف في ثانية مفيش فلة!!!! مفيش صورة!!!! يدوب حتة صغيورة!!!!! ومختومة بختم النسر تعالى الساعة تسعة ونص؟؟؟؟؟؟؟ في أمن لدولة عايزينك!!!!!!!!!!!؟؟؟؟؟؟

العزيز مصطفى...

احلامنا حتى هي اصبحت تصطدم بقضبان الامن وجبروتها.........

دم بخير
محبتي
جوتيار

جميل هذا الطرح

وجميلة هذه المفاجأة

دُمت مبدعاً يا مصطفى.

تحياتي وتقديري.

حتى فى مفاجآتك شاعر
متمكن
خفيف الظل
جميل يا ابو درش كعهدى بك دوماً

طبعا جميله وإنت عارف رأيي مسبقا
لكن أنا ف إنتظار المفاجأه الحقيقيه
القصيده الجديده
إل هانشوف فيها مصطفي عمار
فى ثوبه الجديد
وبعد التعديلات الأخيره
وأعتقد أنها ستكون سابقه فريده من نوعها
غريبه شويه
لكنى ف إنتظار قرائتها
تحياتى وتقديري

ربنا يجعله خير يا مصطفى
عموما ده يعلمك
إنك ما تفتحش الباب لحد جاى لك متأخر
بعد كده
هههههههههه
عموماً ربنا ينجينا منهم يا باشا
بس لازم تروح تشوفهم عايزين إيه
ههههههه
واحشنى والله
وائل القويسنى

دائماً كما انت

الله عليك" أخي" مصطفى
"ميثاق الأخوه" دائم وبدون كتابته على الورق
تفهم يا مصطفى
تقبل مودتي
أختك "قلب الشمس"
لطيفة عبد الباقي: