كلامنا لسة ف أوله

	إستنى بس ... مش قادر اتكلم بجد فيه حاجات ماعرفشى إيه هى الحاجات حايشة لسانى من الكلام مش قادر انطق أى حرف مش قادر اسمع أى حرف إستنى بس .. لما روحى تلقط النفس اللى ضاع منها وتايه من سنين لما اشوف نفسى اللى غابت عنِّى فين . إستنى بس.. لما المشاعر تستريح م السفر وتنشف العرق اللى غيَّر شكلها خليها تلقى نفسها . خليها تلبس توب جديد م النهاردة هاينحسب للقلب عيد إستنى بس ... لما العيون تحفض جمالك لساها بادئة تبتدى تتهجى حرف السحر فيه.. إستنى بس.. لما قلبى يبطل الدق اللى فيه. عدت ساعات وعنيا قالت: سبنى حبة داللى عدى كان ثوانى والصمت زاد والكلام بقى بين عيونَّا كل مَايخلص كان يعيدوا الهمس تانى والإيدين باصين لبعض وغيرانين والدمع زاد بين الصوابع والكفوف صوتها طلع . متشوقين سيبنا إيدينا لبعضهم وعيونا حاضنة بعضهم ماعرفش إحنا روحنا فين؟ ولا أصلاً روحنا إمتى ؟ ولا إمتى رجعنا تانى؟ ماعرفشى إيه كان المكان الأماكن كلها كانت جميلة والناس برغم الزحمة شايفينها قليلة عدت ساعات بعد الساعات والوقت فات وكلامنا لسة ف أوله سابت إيدينا بعضها وعيونا فكت حضنها وبتنتظر فرصة تيجى لنا نكمله بكرة أكيد هانكمله داكلامنا لسة ف أوله

شاعرنا الرائع علاء عيسى ..
أطربتني ورب البيت ..

استنى بس ..
ما تصحنيش من الحلم الجميل ..
وسيب إيديه في إيديك في عناق طويل ..
وخلي الكلام يدوب فوق الشفايف ..
دا القلب يا روحي من شوقه دايب ..
خلي الكلمة تاخد نفسها ..
وخلي النظره تروي عطشها ..
دي الحياة في بعدك عذاب ..
استنى بس ..
قبل الدقايق ما تنتهي ..

اعذر صخب خربشاتي على صفحتك ..
تحيتي أيها الشاعر المتألق ..

متشوقين
سيبنا إيدينا لبعضهم
وعيونا حاضنة بعضهم
ماعرفش إحنا روحنا فين؟
ولا أصلاً روحنا إمتى ؟
ولا إمتى رجعنا تانى؟
ماعرفشى إيه كان المكان


العزيز علاء...
لمسة وجودية ، في لمحة وجدانية بليغة من حيث التكوينات الاساسية للقصيدة ، مساحة واسعة جدا ، ولغة مرهفة جدا ، وصور رائعة جدا.

محبتي
جوتيار

الحبيب علاء عيسى
قرأتها غير مرة
وسأقرأها مرة أخرى

إستنى بس ...
لما العيون تحفض جمالك
لساها بادئة تبتدى
تتهجى حرف السحر فيه..
إستنى بس..
لما قلبى يبطل الدق اللى فيه.

الله عليك!!!
إيه الجمال ده؟؟؟

عدت ساعات
بعد الساعات
والوقت فات
وكلامنا لسة ف أوله
سابت إيدينا بعضها
وعيونا فكت حضنها
وبتنتظر
فرصة تيجى لنا نكمله
بكرة أكيد هانكمله
داكلامنا لسة ف أوله

تسلم إيديك!!!
كمل كلامك
كل الود والتقدير
ولك على حق الجوار
وائل القويسنى

شاعرية فذة ..
ما أجملها من قصيدة ..

سلمت ودلم نبضك
تقبل خالص تقديري وتراتيب ورد

للمرة الثالثة أقرأها ولن تكون الأخيرة وكلما قرأتها زاد جمالها رائع يا أستاذ علاء

شاعرنا الرائع علاء عيسى ..
أطربتني ورب البيت ..

استنى بس ..
ما تصحنيش من الحلم الجميل ..
وسيب إيديه في إيديك في عناق طويل ..
وخلي الكلام يدوب فوق الشفايف ..
دا القلب يا روحي من شوقه دايب ..
خلي الكلمة تاخد نفسها ..
وخلي النظره تروي عطشها ..
دي الحياة في بعدك عذاب ..
استنى بس ..
قبل الدقايق ما تنتهي ..

اعذر صخب خربشاتي على صفحتك ..
تحيتي أيها الشاعر المتألق ..

الغالية الرقيقة
" وفاء خضر "
ماما دخون
دائما أحب أعمالى
التى بها خربشاتك
لأنها أول المصافحين لعملى
لكم التحية
ولخربشاتك التقدير
ولمكانتكم فى نفسى
أعلى الدرجات
تحياتى

ومين يقدر يستنى على الكلام الرائع
الجميل دائما / علاء عيسى
ببساطه وعمق تغزل بحرفك تلك الحروف الرقيقة الراقيه فى آن واحد لتحقق معادلة الجمال
اشكرك على تلك الدقائق التى امتعنى بها عملك
دمت كما انت فلا اجمل من ذلك
احتراماتى

	متشوقين سيبنا إيدينا لبعضهم وعيونا حاضنة بعضهم ماعرفش إحنا روحنا فين؟ ولا أصلاً روحنا إمتى ؟ ولا إمتى رجعنا تانى؟ ماعرفشى إيه كان المكان العزيز علاء... لمسة وجودية ، في لمحة وجدانية بليغة من حيث التكوينات الاساسية للقصيدة ، مساحة واسعة جدا ، ولغة مرهفة جدا ، وصور رائعة جدا. محبتي جوتيار " عزيزى جو " لأنك أديب كبير وذواقة وذو حس مرهف تقع عينك على الحرف فتعيد تكوينه ليكون أجمل تحية أيها الجميل

استنى بس
لما العيون تلقى الامل
لما اللقلوب تلقى العمل
مش كل لحظة بنفترق
استنى بس
لما نقول كل الكلام
اللى بيسكت ف العيون
لما يدوب حبل السكون
استنى بس
لسة اللى باقى كتييييييير قوى
هنعيشه واحنا ليه بعاد
متفرقين
متعذبين بين نار ونار
استنى بس


ابى واستاذى المبدع الشاعر / علاء عيسى
الله علييييييييييك وعلى الاحساس الجمييييل ده
قصيدة راااااااااائعة وجدت فيها نفسى
خرجت من القلب ووصلت الى القلب
صح كلامك ودام ابداعك
تقبل خالص تحياتى وتقديرى
ابنتك وتليمذتك
الهام احمد سعد