قصيدة بعنوان(وصول)

دب أيدك جوا نن الشمس
تلقي مفتاح النهار المعتصم جواك امل
ف بحور من الشك بحقيقة دنيتك
ف اطار من الفرقة ما بين
كونك بتحبي ف جنة النشوة
وبين زندك التايه ف زرع الشوك
وبين كونك بتتهجي
حروف مجهولة من اسمك
مسحها السخن والبارد
صراع ملحمتك الشارد
ف صحراء كبيرة مش لاقي
طريق واصل ما بين شوفك
وبير ميه
وصولك حلم يتحقق
بداخل روحك العارفة
طريق متخبي عن عينك
ومهما مشيت
متوصلوش

عماد غازى

رائعة الجمال
انسابت بداخل أرواحنا بكل بساطة وتلقائية
جميلة وراقية
دمتَ معنا راقياً ونقياًَ
محبتى وعيد مبارك