كتب الزمن فوق الجُدران
حدوته يَولاد كان يمَكان
حدوته عِلم ومش هذَيَان
تعالوا شوفوا هنِعرف إيه؟!
قالوا العروبه بقالها جيش !!
من إمتي والله ازاي دا حصل؟
أمريكا كات قصقصت الريش
والجيش بيزرع فحل بصل
طلع البصل كان فيه ديناميت
فمات جنودنا وسرقوا الزيت
ضربوا العراق والحِجه كويت
ومافيش جيوش وازاي هنعيش
أمريكا قالت أحلى كلام
هنعيشوا جَو وكله سلام
وهقولكم على خِطه تمام
منا أصلي باخد ولا بديش
هقولُكُم قصدي بالظبط
وأحِل ليكم عقد الربط
وفي المقابل هاخد النفط
واسيبكوا تفضلوا كدا حرافيش
فسكتنا طبعا قلنا آمين
وننضرب ونكون راضيين
وناخدوا طارنا ف يوم الدين
عشان يا صوره متتهزيش
ومصر طلعت مع سوريا
سهره على ضفاف فكتوريا
واتعشوا مع بعض كابوريا
ودفعوا نص جنيه بقشيش
وليبيا خرجت مع تونس
يتداروا جوه البقدونس
ويدعوا وبسورة يونس
يارب خدنا ونبقى مفيش
يا ألف خيبه علينا يناس
رضينا نبقي عشانها مداس
وهما شعب ملهش أساس
ياغنوه ليه مبتتغنيش؟
يا عروبه لمي ديول القهر
ولو عطشتي اشربي م النهر
ما ميّتُه اتخلطت بالبحر
يا وكسه حطي متتكسفيش
كنا زمان أفضل أمه
أمريكا طلعت ع القِمه
ولبسنا طرحه بدل عمه
ونسينا ليه زمن الطرابيش؟؟
عشان كتمنا خلاص الصوت
ورضينا جوه القهر نفوت
ومش مهم ان احنا نموت
أهم شيء أمريكا تعيش
الشاعر / أحمد موسى
أرجو التعليق على هذه القصيده فهي إرتجال في هذه اللحظه
ولا أدري أصائبه أم غير ذلك
رد مع اقتباس
المشاركة الأصلية كتبت بواسطة الطنطاوي الحسيني
