يا شهرزاد / أحمد موسى

ولأننا إخوة في الوطن والعروبة وشعارنا (( عاشت مصر ... عاشت الجزائر ))
حزنت جدا لما حدث من إخواننا أهل الجزائر في السودان وقلت في نفسي (( عليه العوض ))

يا شهرزاد
مات المداد
فاقري على روح العباد
سورة المسد

يا شهرزاد
زاد الفساد
ورجعنا تاني لعصر عاد
ومعدش ينفع كنت راجل
أو ولد

يا شهرزاد
هاتي المداد
قلَبوها حرب وولعوا حبل الوداد
وشرف بلدنا بإيد خواتنا بيتجلد
قلبوها حرب يـ شهرزاد
خلّو المحبه والموده والعرب
حبة رماد
خلّو الإخوَّه شيء وميّت من سنين
سبّوا بلدنا وهي فوق كلّ البلاد
يا شهرزاد
خنقوا السلام
دبحوا الحمام
فازاي ننام
وازاي نكمّل بالسكات
وازاي نلملم فـ الشتات
يا شهرزاد
دي الثوره علشان البلد

يا شهرزاد

زرعنا بإدينا الحنين
وحصدنا مرّ ونار وبين
وعطشنا جم يسقونا
من كاس الأنين
فازاي نقول اخواتنا
أو كانوا السند

سجّل معايا يا زمن
نبض الحكايه منتهاش
سجّل وقول مين اللي خان
مين اللي عاش
مين اللي شارب دمّ اخوه
رغم انّه حيّ
مين اللي واكل لحم اخوه
رغم انّه نيّ
مين اللي بايعيين الإخوّه
والعروبه وببلاش
يا شهرزاد
دي العيّنه
شافوا الحكايه هيّنه
فاقري على روحهم هناك
سورة المسد والبيّنه
لا عمرهم كانوا هناك
ولا عمرهم يبقوا هنا
ولا عمرهم كانوا عرب
ولا كانوا مرّه مننا
دول استباحوا دمّنا
فخساره تقري يـ شهرزاد
سورة المسد

د العمر كلّه عشان عيون
مصرك يهون
فاقري بشوقك جلجلي
وسمعيهم كل آيه
جوه سورة الكافرون
دول كفّرونا وقالوا
يا يهود العرب
وعرفيهم إنّ صوتنا منتهاش
لو طال كلامنا أو اتسرد

يا شهرزاد

إرتجال / أحمد سعيد موسى

والشكر لأخي الكبير الحبيب / الشرقاوي المصري
لما تفضل به من مساعدة ونصح وتوجيه

محبتي للجميع
و
عليه العوض

جميل يااحمد
وربنا يهدى الجزائر
ضحكوا علينا اليهود

حبيبى الغالى الجميل الموهوب احمد موسى
ايه الروعة والجمال ده كله انا مش عارف اقولك ايه انت عارف رأيى كويس
واذا كنت بتوجهلى الشكر فالجدير بالشكر هو انت لأنك شاركتنى انى أشوف كلامك الجميل قبل نشره
قصيدة فى منتهى الروعة لشاعر بكتشف فيه كل يوم موهبة جديدة اخرها موهبة وطنية متأججة
لا يسعنى يا أبو حميد سوى ان ابكى تحت ظل كلممة واحدة فقط من كلماتك على العروبة الضائعة
واضم صوتى لصوتك وأقول عليه العوض
تقبل معانقتى الشديدة لهذه الروعة

الله عليييييييييييييك الله علييييييييييك
بكل مااوتيت من قوة قلت ما فى صدرك ويبقى الكثيييييير
مش احنا اللى تنهان
رديت صح يا شاعر
واحنا معاك هنقول
ونرد
احنا المصريين

والله لو سبت الحروف
لتكون كما الكرباج
على ضهر اللي خان
لكن بسكّت في القلم
وبقول له إجمد ع الألم
واكتم أنينك وافتكر
داين تدان

يا شهر زاد
مات الضمير
جوه القلوب عند العباد
ياشهر زاد
قتلوا البياض..سابوا السواد
يا شهر زاد
أبكي على الحلم اللي جاي
وابكي على الحلم اللي فات
....
ابكي على اللي ظلم
وابكي على المظلوم
الحكاية مش كلام مرسوم
الحكاية مخنوقة جواكي وجوايا
الحكاية منتهية من البداية
قالوا عرب
وقالوا وحدة عربية
قالوا عيب تعيب فيهم
خلى اخلاقك سوية
بس يا خسارة
سابوا الاخوة تتدفن
ربطوا ودادهم بالكفن
وعليه العوض
هوه قدر واتفرض...

.....
الشاعر الجميل أحمد موسى
إرتجالية سريعة لا تقارن بك
ولكن دوماّ كما تعلم
المشاعر تحب أن تعبر عن نفسها
ولا رادع لها
....
مصر فوق كل من يفكر أن يسىء إليها
ونحتاج من العروبة أن تملأ مكانها
فقد سئمنا من تلك الفراغات
التي لا داعي لها
....
تحياتي لك أيها الشاعر المصري
باللون المصري الحر

الله يا أحمد ثارت المواجع تتزاحم والحزن والشجن والحينين في قلبي إلى شهرزاد تحكي طلال المجد كم أنت مستفذ بلإبداع ولصدق المشاعر كم جميلة هي تلك الكلمات

يا شهرزاد
هاتي المداد
قلَبوها حرب وولعوا حبل الوداد
وشرف بلدنا بإيد خواتنا بيتجلد
قلبوها حرب يـ شهرزاد
خلّو المحبه والموده والعرب
حبة رماد
خلّو الإخوَّه شيء وميّت من سنين
سبّوا بلدنا وهي فوق كلّ البلاد
يا شهرزاد
خنقوا السلام
دبحوا الحمام
فازاي ننام
وازاي نكمّل بالسكات
وازاي نلملم فـ الشتات
يا شهرزاد

قصيدة جميلة يا أحمد

سلمت الأيادي ... إرتجالك جميل والله

تحياتي

جميلة شعرا ...أوى أوى
لكن المعنى شديد شوية ...
أرى ان نلم الصدع

كنت كتبت بيتين عامية فى الموضوع ده
شكرا محمد روروة ..حطيت فى قلب الأمة جون
الدم سايل من كرة ...والدمع فايض م العيون

موفق أخى الفاضل أحمد موسى