لازم تموت

لازم تموت
لما تبقي الدنيا عتمه
واللسان مشلول وكتمه......ف الودان
والايدينحاسين برعشه
والامل هوه السكوت
لازم تموت
لما تبقي الشمس طافيه
والقمر نايم... بعافيه
والقدم ع الارض حافيه
والطريق مزروع بشوك
لازم تموت
لما تبقي الفرحه دمعه
والعيون هي السامعه
والهموم ع الخلق جامعه
في الشوارع والبيوت
لازم تموت
لما يبقي الشر باغي
والقوي هوه اللي طاغي
والعدل مالهش.. لزمه
والمعوجين صبحوا ملوك
لازم تموت
لماتبقي العين كفيفه
والايادي مش نظيفه
والنزاهه مش شريفه
والضماير.....فعل كان
لازم تموت
لما يبقي الخير سراب
والعقول تبني الخراب
والامل راكب ف نعشه
والحياه ملهاش حساب
لازم تموت
لما يبقي الخوف مليني
والخيانه..مش ف ديني
يتقتل جويا صرخه
اترعب ويقوم ضميري
لازم تموت
لازم تموت جويا فرحه
دالقلوب بالياس طرحه
وانكسر قلمي ف ايدي
د الكلام زي السكوت
لازم تموت
لازم تموت ياوليدي
اللي جيلك مش بايدي
ايدي فضيه وارضي بايره
والجفاف...موجود ياسيدي
لازم تموت
لازم تموت جوه السكوت
تحت الحصار اوف البيوت
ف صمت.. ابكي ..اندبح
القدر......لازم يفوت
لازم تموت
لازم تموت جويا كلمه
كلمة الحق الي ماشي
للقاعد..وللي ناسي
للي قاعدين ع الكراسي
وللي كتب
واللي انكتب
......... لازم..............تموت



بقلم....علاء الحكيم

حكيم يا شاعرنا
بديع طرحك ومؤلم بوحك
ألمح اسمك المميز في كل عباراتك .... علاءٌ وحكمة

دمت حرا متألقا

الفاضله الرائعه المبدعه......
صاحبة القلم الثائر....
ربيحه الرفاعي

كم انا سعيد بتشريفك

وسعيد اكثر لقرائتك ما كتبت والتعليق البديع
اشكرك........................................

وتقبلي مني كل الود والاحترام لشخصك الكريم..........

علاء الحكيم

النص دا جميل يا شاعر
رغم القسوة المعتادة
أكيد فى أمل :)
تحياتى
و
إلى لقاء

انت شاعر جميل لكن انا حاسس انك متسرع فى الكتاب ارجوا انك تصبر على افكار وصور حتى تختمر

صدقني يا ( علاء) أنت / شاعر
يمتلك أدوات قوية لكتابة قصيدة العامية المصرية
وأنا في غاية السعادة لمعرفتك
وأنا يسعدني التواصل معك
خالص مودتي
نبيل مصيلحي

الفاضل المحترم محمد عبد القادر

اشكر مرورك الكريم
تقبل تحياتي وتقديري

وفي انتظار.......................نور الصباح

المبدع......اكرم حسن

بارك الله فيك

وشكرا لمرورك الكريم

وشكرا علي النصيحه

لك مني كل التحيه والاحترام

الفاضل ...المحترم
................الشاعر المبدع صاحب القلم الرائع.....الاستاذ نبيل مصيلحي


اولا اشكر مرورك الكريم

كم اسعدني هذا

وسعيد اكثر بمعرفت شاعر كبير زي حضرتك


وتقبل مني كل الود والاحترام

ارجوا المعذره لهذا الخطاء..........

واللسان مشلول وكتمه......ف الودان

والايدين حاسين برعشه

والامل هوه السكوت