أصعب من كده تقدر توصفلى
صعب
وحاجة أصعب م الصعب
الحب الأيد فى عيون سهرانه
تبكى جراح القلب
لا بتقدر تنسى
ولا تشكى
ولا تعرف غير الغلب
ولا أيد تتمد بحنيه
تمسح م الروح كل آسية
أصعب من كده تقدر توصفلى
اكتر من كده تقدر تعرف لي
لا عرفت كده طول عمري
ولا شاف الناس كده وصفى
ياحبيبى إن كنت عرفت
قولي....
ياحبيبى .... اوصفلى
*** *** ***
أصعب م الدمعة
و م الحب إلى عرفناه
أصعب م الفرقة
و م الحرقة
و م الحزن وقولة آه
أصعب م الصعب إلى قابلنا
م المر إلى شربناه
لما بنتلاقا ونلائى إلى مابنا تاه
ونشوف الحب
كل عيون الناس حوالينا عايشاه
وان لوحدينا
أنا وأنت وبس إلى فقدناه
أصعب من كده تقدر توصفلى
اكتر من كده تقدر تعرف لي
لا عرفت كده طول عمري
ولا شاف الناس كده وصفى
ياحبيبى إن كنت عرفت
قولي....
ياحبيبى .... اوصفلى
*** *** ***
كان لو بيعدى عليا الليل ساعات فى سكات
كان يتهيئلى الدنيا جابتنى من المتاهات
كان لو طيفك بيعدى يزرني ساعات
احلم والئينى ماشفتش زى ماشفت حاجات
وف عز الشوق م طرح نوار
وف عز الهنا آخر المشوار
شربنا كاسات الحب مرار
أصعب من كده تقدر توصفلى
اكتر من كده تقدر تعرف لي
لا عرفت كده طول عمري
ولا شاف الناس كده وصفى
ياحبيبى إن كنت عرفت
قولي.....
ياحبيبى ....اوصفلى
*** *** ***
أصعب م الصعب تعرف أيه
أصعب م الصعب كلمة ليه
واه من ليه
لو حس حبيب ويا حبيبو انو غريب
واه من ليه
لو قالها حبيب ويا وداعوه لأعز حبيب
وتعرف ليه
علشان الغربة إلى خدتنا
سكنت جوانا وجرحتنا
أصعب من كده تقدر توصفلى
اكتر من كده تقدر تعرف لي
لا عرفت كده طول عمري
ولا شاف الناس كده وصفى
ياحبيبى إن كنت عرفت
قولي.......
ياحبيبى ... اوصفلى
*** *** ***
د. فوزى ابودنيا
رد مع اقتباس
المشاركة الأصلية كتبت بواسطة نورا القحطاني