خلاص كفاية ...!!!

خلاص كفاية ياغربتي

بعدت وتاهت سكتى

نفسي أخلع عبايتك

والبس عباية عودتى

عدت سنينى وانا اصارع

وحلفت للاموال جامع

وكل ماتكتر مش قانع

نسيت في الغربة اولادى

وسمعت صوتهم بينادى

انا ف وادى وهما ف وادى

وقعدت احسب ارباحي

فلوسى دى سر نجاحى

قلت كفاية ياغربتى

خلصت خلاص رحلتى

لميت هدايا ف جعبتى

راجع ياغربة لدنيتى

حجزت تذكرتي وعديت

كل الثوانى لحد البيت

فجأة لقتنى فى رجوعى

نزلت على خدى دموعى

اخيرا راح الم فروعى

فجاة لقيت كله اتغير

ابني انا سبته صغير

لقيت نظرة منه تحير

وبناتي نظراتهم اخطر

بتقول الغربة هنا اكبر

ورجعت من غربة لغربة

عطشان ومالقيتش القربة

مالقيتش مكانى وسطيهم

جوابين وشيك يكفيهم

وبعد الغربة والزيطة

لقيتنى برواز ع الحيطة

تسلمى وتسلم حروفك
كل مابشوفها بشوفك
هى بالنسبالى مية
هى بالنسبالى دنيا
اكتبى نقرا ونعرف
ونشوف الى مش قادرين نشوفة


يافيلسوفة الحرف والمعنى
اكتبى خلى الكلام يوجعنا
يمكن للصح يرجعنا


تسلمى ويسلم حرفك
تسلمى ويسلم قلمك

صابرين الصباغ ونصوص بالعامية تحاكي وجه العملة الأخر من الابداع والتفوق
نتابع بصمت

الصباغ..

جميلة بحق..

اسجل اعجابي..

تقديري ومحبتي
جوتيار

أختي صابرين

أبدعت ..

وأوجزت فأوجعت

.. وبعد الغربة والزيطة

لقيتني برواز ع الحيطة
هذا هو الإختصار المعبر ، والموجع

تسلمى وتسلم حروفك
كل مابشوفها بشوفك
هى بالنسبالى مية
هى بالنسبالى دنيا
اكتبى نقرا ونعرف
ونشوف الى مش قادرين نشوفة


يافيلسوفة الحرف والمعنى
اكتبى خلى الكلام يوجعنا
يمكن للصح يرجعنا


تسلمى ويسلم حرفك
تسلمى ويسلم قلمك

فتى مصر لست فيلسوفة

لكنى اتشبع بأوجاع الناس فأقول ماكتموه داخلهم ولم يقدرو على البوح به

سامحنى لو كلامى كان بيوجعك

لكن الحقيقة راح تفجعنى وتفجعك

شكرا لمرورك الجميل فتى مصر

تحياتي

صابرين الصباغ ونصوص بالعامية تحاكي وجه العملة الأخر من الابداع والتفوق
نتابع بصمت

دوما يصاحبني الصباح باشراقته

اينما حل حرفي

شكرا لوجودك دوما

وشكرا لانك صديقي

جميل جدا النص جميل جدا
اتمنى ان اى كتابات جديده لكٍ
تحياتى وتقديرى

والله حلوة بس محتاجة شوية تظبيط ..!!

نبيل مصيلحي

الصباغ..

جميلة بحق..

اسجل اعجابي..

تقديري ومحبتي
جوتيار

المبدع جوتيار


بل كل حروفك اجمل

تقديري واعتزازي بوجودك هنا