الله أكبر
مش زمن إيمان ياصحبى
الزمن زمن الخيانه
وقفه الميدان كبيره
هتفضح الناس الجبانه.
وربنا وياك يا مؤمن
يالى شايلها أمانه
يالى رافض اى ضعف
يالى مش راضى الاهانه.
يالى ناوى نصر دينك
يالى كاره الاستكانه
يالى قلت الله أكبر
وانت واثق ف الاعانه .
يالى مابتغفل رموشك
عن طريقك إيه يحوشك
إلا نصر بتسعى ليه
أو شهادة تكون مزانه.
يالي مش قابل خضوعك
يالى مابتنزل دموعك
الا للى خلق
وثبت الايمان داخل ضلوعك
ف أمه بقياده جبانه.
لأ..جبانه دى شويه
والى باعنا له تحيه
الى طاطا راسه ليهم
والى ساب دقنه ف إديه
م والى باع كل القضيه.
إلى شاف أطفال جعانه
ولا حتى أثر فيه بكانه
الى سابنا مننا لربنا
وناسي إنه ربنا لوحده كفانه.
...الله أكبر...
للشاعر (أحمد سعيد موسي)
رد مع اقتباس
المشاركة الأصلية كتبت بواسطة مروة عبدالله
