يالي بتسعديني

انتى يالي بتسعديني
انتي جوه القلب ساكنه
انتى عايشه ف نن عيني
لسه ايدي حاضنه ايدك
اوعي منك تحرميني
اوعي ترحلي مره عني
اوعي تمشي وتسبيني
نفسي تفهمي بس اني
عايز اكمل نص ديني
اوعي مرة تفارقي حضنى
د انتى ليكي الشوق واخدني
يا وعد مكتوب فوق جبيني
يا بسمه بتداوي ف جروحي
يا نسمه طايره ويا روحي
يا ذكري باقيه من سنيني
لسه عاشقه دموع عنيه؟
ولا ناويه تعودي ليه؟
ولا ناويه تهجرينى؟؟
ناويه أشوفك جوه فرحه؟
ولا اشوفك ذكري جارحه؟
ولا ناويه تعذبيني؟؟
صدقيني.. وإعذريني..
انتى عمرى .. وضي عيني
حتى لو منتش نصيبي
كفايه إنك خلتيني
أحب أعيش علشان أشوفك
وألمح العشق ف كسوفك
وأتوهم إنك حبتيني..
للشاعر (أحمد سعيد موسي)

لسه ايدي حاضنه ايدك
اوعي منك تحرميني

قمة الرومانسية والرقة


أحب أعيش علشان أشوفك
وألمح العشق ف كسوفك

الله
جميلة تلك التركيبة

ننتظر منك المزيد

أحمد تحياتى

أخي أحمد موسى
ما شاء الله عليك
السلام عليكم ورحمة الله وبركاته
اخي ساصحح حسب ذائقتي بعض الابيات ولك حرية لاختيار
1-يا وعد مكتوب فوق جبيني
وعد و مكتوب فوق جبيني اصح موسيقيا او حسب ذائقتك
2-يا بسمه بتداوي ف جروحي
يا بسمه بداوي ف جروحي أو يا بسمه بتداوي جروحي اختار طبعا انا اعرف انك تريد نطقها خطف التاء مع الدال
اذا اكتبها كما تريد نطقها
3-يا نسمه طايره ويا روحي ياريت تكون
يانسمة طايرة من روحي
لآن الموسيقى من اول هذه القطعة اختلفت عن سابقتها وحاول تغنيها وستجد ما اقول
وتصحيحي هنا لتتوحد الموسيقى
4-يا ذكري باقيه من سنيني تقول مثلا ذكرى باقية من سنيني بدون يا
يا ذكري باقيه ف سنيني
وهكذا تصحح القطعة كاملة
لو تغير كلمة كسوفك لانها ممكن تدل على الكسوف كسوف الشمس مثلا ف كفوفك
الشطرة الاخيرة
لو تقول مثلا
د الحياة لو حبتيني اخف واجمل وايضا امل وليس وهم
او تقول
واتوهم ان حبتيني
ونصيحتي لا تستعجل النشر قبل المراجعة مرات
وليست هذه عيوب ولكن يكفي النص ان هذه فقط تصحح
أنت تمشي على سلم الابداع ايها الحبيب
اعانك الله وادام الابداع

لسه ايدي حاضنه ايدك
اوعي منك تحرميني
قمة الرومانسية والرقة
أحب أعيش علشان أشوفك
وألمح العشق ف كسوفك
الله
جميلة تلك التركيبة
ننتظر منك المزيد
أحمد تحياتى

أشكرك استاذي العظيم على مرورك على متصفحي
دمت أستاذا لى ومعلما

وفي انتظار ردك على باقي كتاباتي

لك ودي

أستاذي الكبير أ / طنطاوى

يمكن الاختلاف النطق فقط
لكن انا فعلا بنطق زى محضرتك شايف ان المفروض اعدل

أما كسوفك حضرتك عايزنى أخليها كفوفك إزاي طيب
انا هلمح العشق فى كسوفها ولا ف كفوفها
دي الى مش فاهمها

ياريت توضحلى لانى لسه مبتدء
وشكرا لتعليقك ومتابعتك لمواضيعي وشرف ليا انى اتعلم على اديك والله

تحياتي

أستاذي الكبير أ / طنطاوى
يمكن الاختلاف النطق فقط
لكن انا فعلا بنطق زى محضرتك شايف ان المفروض اعدل
أما كسوفك حضرتك عايزنى أخليها كفوفك إزاي طيب
انا هلمح العشق فى كسوفها ولا ف كفوفها
دي الى مش فاهمها
ياريت توضحلى لانى لسه مبتدء
تحياتي

السلام عليكم ورحمة الله وبركاته
المهم يا جميل يكون التصحيح دخل ودنك الموسيقية
وصححها زي مانت عايز مجرد دردشة كي تعرف بالتجريب ما لحنت فيه كما يقول الفصحاء
اما العشق في الكفوف فهو ترميز وليس حقيقة وكناية وليس واقع
دمت بكل ابداع وهذه قصيدتك وأنا مجرد مساعد ومتلقي
دمت بقلب اخيك

وأنا بحبك ف الله وخلاص
ونفسي أتعلم منك
وعايز رأيك فى قصيده ف رثاء الشهيد عدنان البحيصي
ومعلش أنا تعبك انت معايا
بس العشم بقي
وليك قصيده منى بعنوان حبه عشم
لاجمل أستاذ طنطاوى ف الدنيا

دمت بقلبي مثلما دمت بقلبك

يا احمد انت تتحدث من شغاف القلب
لك نفس صافية واحسبك كالفرس المحبوس فتحرر فاراد ان يعدو الي ان يجد للارض نهاية

تريث اعمالك جميلة والله انت خير مني
بالمناسبة معاك عم طنطاوي مية ميه الظاهر ان شغال مدرس قراءةههههههههههههههههه
علشان بيحب يصحح علي طول خليك معاه هو هيساعدك ان شاء الله

اخوك خالد الهواري

يا احمد انت تتحدث من شغاف القلب
لك نفس صافية واحسبك كالفرس المحبوس فتحرر فاراد ان يعدو الي ان يجد للارض نهاية
تريث اعمالك جميلة والله انت خير مني
بالمناسبة معاك عم طنطاوي مية ميه الظاهر ان شغال مدرس قراءةههههههههههههههههه
علشان بيحب يصحح علي طول خليك معاه هو هيساعدك ان شاء الله
اخوك خالد الهواري

والله انت انسان رفيع

والرفيع إذا نودي تواضع

دمت أخي ودمت صديقي

ووالله ثم والله انا لست أفضل منك

احنا كلنا غلابه يا عم خالد

وعمك طنطاوى ربنا يخليه لينا

دا أبو الغلابه والله

هههههههههه

نص جميل أخى أحمد
نصوصك تمتاز بالرتم الموسيقى السريع
وترابط أجزاؤها
جميل جداً
:
فقط لدى وجهة نظر هنا وأنت الأفضل بالتأكيد :
لسه عاشقه دموع عنيه؟
ولا ناويه تعودي ليه؟
ولا ناويه تهجرينى؟؟
أرى أن المعنى فى البيت الثالث هو نفسه المعنى فى البيت الأول
وبالتالى لم تضف شيئاً جديداً سوى القافية .. ما رأيك لو حذفنا البيت الأول
هل سيختل المعنى ؟؟
تلك مجرد وجهة نظر شخصية :)
تقبل مرورى
تحياتى
وإلى لقاء