هتغير

هتغيــر
...........
ما دام الظللم فــاق الحد مادام القلــب مالهــوش حـــد
مادام الكل ناســى الــود خــلاص يا دنيــــــــــا هتغيــر
هشيل الطيبة من كاسى وادوس على قلبى واحساسى
وهبقى زيهـــم قاســــى مش هبكى فى يوم ولا اتحير
..................................
زمان الرحمــة مش بيفيــد فى وسط نفوس بقت ظالمة
ونــــور الحـب مـش هيقيد فى دنيـــا اصبحــــت ضلمـة
يئست خلاص من المشوار وكله فى نظرى ولا يســـوى
هسلـم نفســـى للتيـــــــــار واعـــــود قلبــى ع القســوة
................................
سنين عدت وطول عمـرى بسامح واجى على روحى
محدش همه يـــــوم امرى محـدش حـس بجروحــــى
سامحت كتير ومين يسمع ماعـــادش قلــوب بتتأثـــر
عملت الخير عشان يشفـع لقيتــه ضعيـــف بيتكســــر
.................................
حاولت اعيش واتصور بانى هلاقــــى احبــاب
فضلــت ألــــــف وأدور لقيتنى فى وهم كــداب
قلوب الناس بقت قادرة تدمر كل شـــئ طاهــر
ايدين الناس بقت غادرة بتطعن حتى فى الظاهر
..................................
........................
...........

جميل ياشرقاوي
أغنية ذات موسيقي متناغمه
وكلمات واعيه لها معنى
تحياتي
نبيل مصيلحي

الشاعر الفاضل الاستاذ / نبيل مصيلحى
اسعدنى مرورك على كلماتى المتواضعة .. تقبل خالص تحياتى وعذرى الشديد على عدم تنسيق الكلمات بشكل جيد

بعد العمر
[b]


بعد العمـر ما عـدى وراح .. بعد الجـرح ما طاب وارتاح
بعد ما جف الدمع فى عينى .. راجعة تقولى لقلبـى سماح
قلبى خلاص مبقاش يهواكى .. وفرى من ع الخـد بكاكـى
انا مش هقدر انسى الامى .. ولا يوم هنسى عذابى معاكى
انتى بقيتـى مجــرد مــاضى .. بعـدك عندى اصبح عــادى
وانا دلوقــت بقلبى الفاضى .. هقدر اهـرب من دنيــاكــى

...........................

فاكـرة زمان لما انتى مشيتى .. يوم ما سألتك ع الأسباب
اترجيتك يومهــا تقولى .. ليــه عايزانى أعيش فى عذاب
قولتى انسانى وأنسى زمـانى .. أنــا دلوقت لواحــد تانى
والأحــلام اللــى رسمنـــاها .. صفحة اتقلبت جــوة كتاب

.....................

يومها عـرفت انك انســانة .. قلبهــا معــدوم م الأحساس
علشان وهم وحب مزيف .. قـادرة تضحى بأغلى النــاس
غدرك عمره ما تاه عن بالى .. وأحلف ليكى بحبى الغالى
زى مـا دقــت المر ليــالى .. لازم تشـربى نفــس الكـــاس

......................

انتى حكايـة فى عمــرى وعــدت .. قلبى اتعلــم منها كتير
كنت معاكى بكل مشاعرى .. وانتى مفيش جواكى ضميــر
ياما سامحت وكنتى بتقسى .. ياما زرعتــى بايدك يأســى
لكن بعد ما فوقت لنفسـى .. قلبى ارتـــاح من هــم كبيـــر

............................
..................
.........[/b]

بعد العمر
بعد العمـر ما عـدى وراح .. بعد الجـرح ما طاب وارتاح
بعد ما جف الدمع فى عينى .. راجعة تقولى لقلبـى سماح
قلبى خلاص مبقاش يهواكى .. وفرى من ع الخـد بكاكـى
انا مش هقدر انسى الامى .. ولا يوم هنسى عذابى معاكى
انتى بقيتـى مجــرد مــاضى .. بعـدك عندى اصبح عــادى
وانا دلوقــت بقلبى الفاضى .. هقدر اهـرب من دنيــاكــى
...........................
فاكـرة زمان لما انتى مشيتى .. يوم ما سألتك ع الأسباب
اترجيتك يومهــا تقولى .. ليــه عايزانى أعيش فى عذاب
قولتى انسانى وأنسى زمـانى .. أنــا دلوقت لواحــد تانى
والأحــلام اللــى رسمنـــاها .. صفحة اتقلبت جــوة كتاب
.....................
يومها عـرفت انك انســانة .. قلبهــا معــدوم م الأحساس
علشان وهم وحب مزيف .. قـادرة تضحى بأغلى النــاس
غدرك عمره ما تاه عن بالى .. وأحلف ليكى بحبى الغالى
زى مـا دقــت المر ليــالى .. لازم تشـربى نفــس الكـــاس
......................
انتى حكايـة فى عمــرى وعــدت .. قلبى اتعلــم منها كتير
كنت معاكى بكل مشاعرى .. وانتى مفيش جواكى ضميــر
ياما سامحت وكنتى بتقسى .. ياما زرعتــى بايدك يأســى
لكن بعد ما فوقت لنفسـى .. قلبى ارتـــاح من هــم كبيـــر
............................
..................
.........

السلام عليكم ورحمة الله وبركاته
أخي الشرقاوي المصري
والله انت جميل قصيدة رقراقة دفاقة
وزنا وصورة وتراكيب
ولكن نظرة اليأس دي صعبة جدا
ولكن رغم ذلك هتصور انك هتتغير للأحسن أن شاء الله وتقديرا القصيدة للتثبيت
بصراحة مش عارف اثبتلك الاولى ولا الثانية فياريت تخلي المشاركة بالقصايد واحدة حتى نتمعن فيها ونستشرف معانيها
تحياتي ايها المتألق ولكن دع للأمل فرجة

الأستاذ الشاعر الجميل / الطنطاوى حسين
قدمت لى الشرف مرتان الأولى عندما سمحت لكلماتى المتواضعة أن تمر أمام عيونك الواعية
والثانية عندما شرفتنى بتثبيت هذه الكلمات
فلا يسعنى سوى تقديم الشكر الجزيل والامتنان الشديد على هذا الشرف
ولكن اعذرنى وقدم لى النصيحة لاننى الى هذا الوقت لا اعلم قواعد كيفية تقديم الموضوع كمشاركة جديدة فأنا أكتب الموضوع وأنسقه جيدا على برنامج الكتابة ولكن عند نقله كمشاركة جديدة لا أعلم كيف أقدم هذه المشاركة بشكل صحيح
أرجو تقديم النصيحة

كيف النصيح
نصيحة ايه
يا شاعر
دا انته ان شاء الله حتكسر الدنيا
ايه ااحلاوة دي
اكتب كما تشاء ايها الشاعر اللماح
..........
قافية جميلة ومتماسكة ومتفرقة الالون ثابتة المعني
قصة شعرية شعورية
رائعة
نغمة وجرس رائع لا يقل روعة عن صدق الاخساس وعفوزية الكتابة مما جعل القصيدة في مصاف الكمال الشعوري
شكرا لك الاف المرات
خالد الهواري سيكون من اشد المعجبين بك ان شاء الله
خالد الهواري

"وللجمال عنوان"
الشاعر الجميل الاستاذ / خالد الهوارى
لا استطيع الرد على كلماتك الرقيقة سوى بهاتان الكلمتان .. للجمال عنوان..
وانت بالفعل عنوان هذا الجمال فى اسلوبك فى ذوقك فى أختيارك لمعانى تفوق بكثير الكلمات التى تخرج من شفاهك
انا لا استحق كل هذا الثناء لانى فقط تلميذ بسيط فى مدرسة كبيرة اسمها مدرسة رابطة الواحة
تمتلئ بأساتذة عظماء من أولهم الاستاذ خالد الهوارى
فأرجو ان تتقبل خالص تحياتى وأمتنانى

حبيبي الغالي
أهلا بعودتك بعد طول غياب
الأولى قريتها من زمان وعجبتني جدا
التانيه عجبتني جدا جدا لإنها جديده عليا
هستنى الكتير يا غالي
محبتي