يمكن ف يوم

يمكن ف يوم
تقدر تقدر موقفى
يمكن يبان م الظلم وجهه الخفى
يمكن تسافر للمدينة
وف المدينة
يمكن تشوف حاجات كتيرة
يمكن تشوف ف الشوارع
والحوارى
والبيوت
الف وش
والف معنى
والف صوت
يمكن تشوف الكلمة خانقها السكوت
يمكن شروق الشمس يخفيه عنكبوت
يمكن نعيش لالف عام ويمكن نموت
بس الحقيقة
ولو دقيقة
يمكن تبين انى كنت فيوم برىء
يمكن عشان نبض الحقيقة كان جرىء
خلا العيون
تغفل فيوم
يمكن ف يوم
*******

يمكن تسافر للقرى
وف القرى
تشوف جدار المندرة
متغندرة
ومتفرعنة
وشبابها هالة منورة
ع الجسرمدين قنطرة
يمكن على جدار الببان
مرسومة مدنه للادان
بتقول بصوت الحق
حى على الادان
قوم ياحق
ياحق بان
يمكن تشوف فى الغيطان
الحب مرسوم ع العيدان
الحب نايم فى امان
يمكن تلاقى ف حضنهم
فيه قلب دامع
يمكن يقولك ع الموجع
يمكن يدلك ع السواقى
وع الصوامع
يمكن هتسمع صوت انينى وهو طالع
ساعتها تلقى ضى نورى
مشعل وايد ف كل جامع
********

يمكن تسافر للفضا
يمكن تسافر للنجوم
يمكن تلاقى فى السما
الف غيمة
والف غول
يمكن يدق الطبل
تتهز الدقون
يمكن تلاقى الحزن سافر فى الغيوم
يمكن تلاقى الحزن ساكن ف الصدور
يمكن ف ليلة
يمكن ف يوم
الشمس تطلع ف السما
تشق الغيوم
والحق يظهر للعيون
والفرح يسكن ع الجفون
تلاقينى ضحكة عدت ع الشفايف
ترسم بفرحة
الف فرحة بالف لون
تلاقينى فرحة مزهزهة
ف كل العيون
يمكن ف يوم
**********

العزيز / فتى مصر

جميلة ومعبرة ..

مضنية هي الرحلة التي صحبتنا فيها من الألم .. وحتى بزوغ الأمل ..

يمكن تشوف الكلمة خانقها السكوت

يمكن شروق الشمس يخفيه عنكبوت

يمكن تعيش لألف عام ويمكن تموت

مقطوعة جميلة عذبة رغم انها مسكونة بالألم .

دمت بكل الخير.

يمكن في يوم ..

أخي الفاضل فتى مصر:

قصيدة رائعة

بحق أعجبتني

سلم قلمك أخي

ووتقبل خالص تقديري وباقة ورد

العزيز / فتى مصر

جميلة ومعبرة ..

مضنية هي الرحلة التي صحبتنا فيها من الألم .. وحتى بزوغ الأمل ..

يمكن تشوف الكلمة خانقها السكوت

يمكن شروق الشمس يخفيه عنكبوت

يمكن تعيش لألف عام ويمكن تموت

مقطوعة جميلة عذبة رغم انها مسكونة بالألم .

دمت بكل الخير.

كل الود والتقدير لفيلسوف الكلمة
دمت ولك جل تحياتى

يمكن في يوم ..

أخي الفاضل فتى مصر:

قصيدة رائعة

بحق أعجبتني

سلم قلمك أخي

ووتقبل خالص تقديري وباقة ورد

فى كل مرة
تعدى خطاوى كلمتك فوق صفحتى
تتهز فيا كلمتى
وتقوم تحارن رغبتى
وافضل اعافر
لما الكلام يجى بعد اما كان منى سافر
وتطلع منى غنوتى

دمتى بكل ود وتحية

يمكن تشوف الكلمة خانقها السكوت
يمكن شروق الشمس يخفيه عنكبوت
يمكن نعيش لالف عام ويمكن نموت
**********

كلها رائعة ومعبرة عن حجم الوجع والحزن
لكن هذه وحيث اننا في منتدى الادب الشعبي دعني اقول لك " ملهاااااااااش حل "

دمت بخير

احتراماتي

ميـــــــنا

كلها رائعة ومعبرة عن حجم الوجع والحزن
لكن هذه وحيث اننا في منتدى الادب الشعبي دعني اقول لك " ملهاااااااااش حل "

دمت بخير

احتراماتي

ميـــــــنا

جميل مرورك
وعازمينك على القهوة العربى نتمنى تشاركنا
دمت بخير ومحبة

جميل مرورك
وعازمينك على القهوة العربى نتمنى تشاركنا
دمت بخير ومحبة

القهوة العربي انا متابعة لها .. لكن من خلف زجاج الباب
فكل من هناك من الكبار .. واخشى ان تدوسني الاقدام

وشكرا للدعوة العربية الكريمة

احتراماتي

ميـــــــــنا

فتى مصر..

رحلة الم ..فرعونية..

لامست مني العمق..

تقديري واحترامي
جوتيار

يمكن يا فتى مصر ...........................................!!
نبيل مصيلحي