يا روح شمس النهار تعبان

خدي إيدي
وميلي زرعة في عنيه
يا غالية..
يا ابتسامة جسمي لما بينتشي جسمي
وضحكة قلبي..
والعطر اللي بترشه قزازة العطر في إيديه
..
يا روح روحي
يا مصر..
الطير في قلبي كله بيحبك
واذا طارت حمامة منه يا بلادي بعيد عنك
بتجرحها غناوي القرب في بعدك
وبيغني بياض لونها
مواويل الأسى المزروعة في إبنك
يا أحلى بلاد ..
طيوري للجمال قصاد
وقاصداكي
وفين ما تروحي يا روحي أنا معاكي
ولكن لي عليك عتاب


أنا من صغري يا بلدي وأنا واقف هنا ع الباب
بانادي أهلك الناسيين
ولا يردوش
واقول: "حاجة؛ دا انا مسكين
ونفسي أعيش
ومن صغري..
وأنا ع الباب
ولا عمري دخلت الباب
عشان أهلك ما بيردوش
وفي دورهم هناك قاعدين
وأنا واقف هنا مسكين

يا روح شمس النهار
......................... تعبان
ونفسي ألقى في حضنك
ولو لقمة وانام في مكان


أنا إبنك..
ودمي كله من صدرك
وفي عنيه أساميكي
وترنيمك
وأشجانك
وفوق دا ودا سنين عمرك
ومهما رحنا أو جينا
هتبقى مني والله وانا منك

أنا يا مصر يا روحي
ومهما كتمت أو
فجأة لقيتك مرة بتبوحي
باحبك موووووووووووووت
ولكن لي عليك عتاب
أنا من صغري يا بلدي وأنا واقف هنا ع الباب

ما أجمل العتاب الهادئ الرقيق - وما أجمل قصائدك التي تترنم فيها بحب مصر - ياسيدي انقل قصائدك إلى منتدى أو واحة العامية - أنت فارس من فرسان العامية المصرية - ومرة أخرى أشكرك على هذه العاطفة الفياضة لمصر

الحبيب الشاعر / على سالم الصالحي ..

أحييك أيها الغزير وأحيي روحك المحبة وحسك الجميل

هأنذا قد حولت مشاركاتك الثلاث إلى هنا لأنه مكانها الصحيح

وهنا ستسمع ما يسرك من شعراء العامية الذين لهم فيها باع طويل

تقبل مني خالص مودتي .

ما أجمل العتاب الهادئ الرقيق - وما أجمل قصائدك التي تترنم فيها بحب مصر - ياسيدي انقل قصائدك إلى منتدى أو واحة العامية - أنت فارس من فرسان العامية المصرية - ومرة أخرى أشكرك على هذه العاطفة الفياضة لمصر

شكرا يا أستاذنا العزيز شكرا
ثقتك ف ما كتبت يدي سأصوغها شعرا

الحبيب الشاعر / على سالم الصالحي ..

أحييك أيها الغزير وأحيي روحك المحبة وحسك الجميل

هأنذا قد حولت مشاركاتك الثلاث إلى هنا لأنه مكانها الصحيح

وهنا ستسمع ما يسرك من شعراء العامية الذين لهم فيها باع طويل

تقبل مني خالص مودتي .

هنا في الواحة الغنا
يطيب القول والمعنى
يطيب قلب اللي مارضيشي
وتحلى الروح:
وفكري يقول لها: عيشي
وقلب الصبح يتمنى
يكون شاعر
بهذي الواحة يا سيدي عشان جنة
ما هو درهم جميل الوجه قال مرة
"هنا في الواحة الغنا"
وانا عايد كمان مرة