ماتفتشيش00 وتدورى فيا
ومتسأليش 00عن حلم ف أديا
ومتدخليش قلبى00
دنا وسط ليل الشتا
شمعايه مطفيه
000000
ماتزوقيش بالكدب احلامى
ومتبعديـــــــــــــــش
دنـــا اخرى قدامى
ياللى انت رابطه المهره
ف لجامى
انا مهرى جامح
ف الطريق خواف
دنا قلبى لما انطلق
وقف القدر سياف
شاور عليه وقال
احلامى مش ليه
فمتدخليش دنيتى
وتدورى فيا00
0000
كل اما بهرب م الهموم
بلاقيها ولاده00
لو مره تهجر سكتى
ترجع لى بزياده
وتدق بابى وتنحنى
وتقولى سامحنى
انا حزنى دا قسمتى
وعنيه بتلمحنى
لوجيت ف يوم اتفرد
ارجع وانا محنى
تؤم معايا اتولد
جوايا ورفيقى
ودنيا غاويه النكد
ومنشفه ريقى
دنا ياصبيه عدم
انا ريشه ع الميه
فمتدخليش دنيتى
وتدورى فيا0
00000
ومترسميش حلمك على كفوفى
وسافرى ويا الزمن
ولفى هتشوفى
ياخوفى لتدخلينى ف يوم
وتحولى دفوفى
واصبح كلام ع الورق
اوغنوه منسيه
فمتدخليش دنيتى
وتدورى فيا00
00000