كان بجري فينا النيل

كان بجري فينا النيل
د.غازى كلخ
كان بجري فينا النيل .. ومراكب صيد
كان فيها ينط البلطي
وترقص على عزف الناي جوا قلوب
تغلي زي جرة فول على ناصية شارع
ف الموسكي
ونافورة روكسي .. تحكي عن سر قلوب
وعيون كحّلها العشق الباين ف نظرة " كليوبترا"
"وأنطونيو" بيتحسر على سحر الشرق
والفرق جدار .. يكبر ويزيد
مع طلّة أوتوبيس طلبة الأزهر
وفرس أبو زيد .. تتغندر
واللحظة .. ساعات
و ميعاد قبل ما ييجي يكون عدى وفات
ومات قبل ما يولد طفل الفرحه
واحتاس !!
وهات يا دموع القلب زخات رصاص
ويتوه الحلم ف بحر الصحرا
ف مدينة نصر وغمره
وف غمرة الاحزان
يبان في الحي الرابع ضي
ونجوم بتشاور على درب التبانة
يمكن فيها يكون متخبي وتايه
حظ الولد الشقيان
عريان غير من خوفه .. وأمله ف بكرة
والطب يرفع رايته البيضا
سودا يا ليالي الجوع والحرمان
ودموع تنهش ف ضلوع
ع مصير ليلى .. ومصير الولد المجنون
المسفوح حبه ع سفوح جبل التوباد
وسؤال!!!!!!!!!
ليش نهر النيل بيجري أحيانا عكس المعتاد؟؟؟

الله ياشاعرنا الحساس غازي

ليه .. من غير ليه

النيل بيقولك

ظلموه

ربي معاك

عزيزتي الاستاذة نادية
كل حرف من ردك المميز يخليني اقولك شكرا

العزيز غازي..

اهلا بك في الواحة..

استوقفتني كلماتك كثيرا..
وجاءت وكانها ثورة..

وهات يا دموع القلب زخات رصاص
ويتوه الحلم ف بحر الصحرا
ف مدينة نصر وغمره
وف غمرة الاحزان


دمت بالق
محبتي لك
جوتيار

ليش نهر النيل بيجري أحيانا عكس المعتاد؟؟؟

عشان الهوى مد !!

**

رائع يا د. غازي ..

يا ابن مدينتي ..

بتلاقي القلوب في واحة الابداع
لا املك الا ان احييك من زرعت فيه كلماتك حبا وتقدير
ايها العزيز جوتيار

مبدعة خانيونس مدينتنا التى نحب...العزيزة هبة
كل الاحنرام والود وشكرا على عبير الورد الجوري
الفواح من مرورك الجميل على كلماتي
ودمت متألقه

النيل بجماله هيفضل يروينا

أملنا في ربنا هيظل يحيينا

صلى يا غازى وقول يارب

أصرخ بيها وعالى الصوت

أوعى فى يوم تطاطى راسك

نصر الله قريب لينا

طول ما قلوبنا فيها إيمان

نصر الله قريب لينا


غازى كلــــــــــــــــخ

جميلة كالوردة التى تفوح

بأجمل الروائح

تقديرى واحترامى

أجمل شئ إنك تحس إن الحياة ملك أمرك بالكلمة البحر السما حتى المشاعر الخوف والفرح وبكرة
.........جميل يا شاعر

انا والنيل والوردة
شفنا ف ليل
القمر
روحنا عليه بتنده
رد من بعيد
ايوه..
انا من حلم سعيد
ومعايا
الحلوة مروة
.....