فزورة

فزورة

سيد الموجى

المجلس المحترم قَبَل اعتذار البيه
وهو كل اللى قاله مازال مُصٍر عليه
اللى اعتذر مين لمين ؟ فزّورة جايزتها
أكبر رقم فى الفلوس عدّيته ( ألف جنيه ) !
****
ومعذرة يا أمير المؤمنين يا ( فاروق )
لقبك شالوه – للأسف – مخاليق فى غاية السوء
آخرهم اللى بيفتى فى أمور الدين
بدون يقين ، بل بسطحية وقلة ذوق !
****
إسلامه – بصريح عبارته – أربعة أركان
مع إن إسلامنا خمسة فَرَضهم الرحمن
قلنا له ومازلنا بنقول له مافيش فى الدين
تكعيب ولا سيريالية جديدة يا ( فنان ) !
****
سمع الكلام اتلوى ، نَوَى الاعتكاف فى البيت
قلنا ياريت الكلام دا يكون بِجَد ، ياريت
لكن يا فرحة ما تمّت عاد لنا تانى
وكأنه بيقول لنا أنا غصب عنكم جيت !
****
فزورة سهلة ف زمن صعب ومصايبه كتير
متغلّفة بادّعاء حرية التعبير
بادئة بكاريكاتير مسىء للمصطفى المعصوم
واليوم بتكمل بفتوى فى الحجاب لوزير !!

فزورة

سيد الموجى

المجلس المحترم قَبَل اعتذار البيه
وهو كل اللى قاله مازال مُصٍر عليه
اللى اعتذر مين لمين ؟ فزّورة جايزتها
أكبر رقم فى الفلوس عدّيته ( ألف جنيه ) !
****
ومعذرة يا أمير المؤمنين يا ( فاروق )
لقبك شالوه – للأسف – مخاليق فى غاية السوء
آخرهم اللى بيفتى فى أمور الدين
بدون يقين ، بل بسطحية وقلة ذوق !
****
إسلامه – بصريح عبارته – أربعة أركان
مع إن إسلامنا خمسة فَرَضهم الرحمن
قلنا له ومازلنا بنقول له مافيش فى الدين
تكعيب ولا سيريالية جديدة يا ( فنان ) !
****
سمع الكلام اتلوى ، نَوَى الاعتكاف فى البيت
قلنا ياريت الكلام دا يكون بِجَد ، ياريت
لكن يا فرحة ما تمّت عاد لنا تانى
وكأنه بيقول لنا أنا غصب عنكم جيت !
****
فزورة سهلة ف زمن صعب ومصايبه كتير
متغلّفة بادّعاء حرية التعبير
بادئة بكاريكاتير مسىء للمصطفى المعصوم
واليوم بتكمل بفتوى فى الحجاب لوزير !!

الاستاذ الفاضل
والشاعر الجميل/
سيد الموجى
تحياتى لابداعك الراقى
واسمح لى ان اعانق كلماتك الجميله
بهذه الكلمات
........
المجلس المحترم
داب فى الحليب والشهد
احنا بنجنى الشوك
وهما ياخدو الورد
معلشى من حقهم
احنا اللى نستاهل
قابلين فتات العيش
ضحينا بالساهل
راضين نكون اغراب
مع اننا منها
احنا اللى علينا
واحنا اللى بنينها
وجبنا ديب على الغنم
كلها ولا سما
وجاب ديابا معاه
والكل شيفنها
......
دمت رائعا

الشاعر الجميل سيد الموجي
تعانق حروفي حروفك


سبب فساد الغابة
دستور شريعة الغاب
فرضاه ملوك الديابة
بالبطش والإرهاب
قطعان عايشه غلابه
هايبة قطع الرقاب
والحل إيه يا جماعة
لو تعرفوا الاسباب
منكم ناخد مشورة
واللي استشار ما خاب

الاستاذ الفاضل
والشاعر الجميل/
سيد الموجى
تحياتى لابداعك الراقى
واسمح لى ان اعانق كلماتك الجميله
بهذه الكلمات
........
المجلس المحترم
داب فى الحليب والشهد
احنا بنجنى الشوك
وهما ياخدو الورد
معلشى من حقهم
احنا اللى نستاهل
قابلين فتات العيش
ضحينا بالساهل
راضين نكون اغراب
مع اننا منها
احنا اللى علينا
واحنا اللى بنينها
وجبنا ديب على الغنم
كلها ولا سما
وجاب ديابا معاه
والكل شيفنها
......
دمت رائعا

واحنا اللى برضه محال
هنطاطى للأندال
وهنكشف المستور
ونثور على الإذلال
ونرجّع المنهوب
ونسلطن الموال
وبكره يا ابو خليل
هتبقى عال العال !

شاعرنا الجميل المبدع سيد الموجى
اهلا بك معنا فى الواحة
ارجو ان يطيب لك المقام بيننا
كل الود والتحية لك

أهلا بك أيها الفاضل في وحة الخير

فزورة جميلة

سلمت قلمك

تقبل خالص تقديري

الشاعر الجميل سيد الموجي
تعانق حروفي حروفك


سبب فساد الغابة
دستور شريعة الغاب
فرضاه ملوك الديابة
بالبطش والإرهاب
قطعان عايشه غلابه
هايبة قطع الرقاب
والحل إيه يا جماعة
لو تعرفوا الاسباب
منكم ناخد مشورة
واللي استشار ما خاب

الشاعر المبدع / الشربينى خطاب
سعدت بمداخلتك الجميلة التى زينت صفحتى المتواضعة
أما عن الحل الذى سألت عنه فاسمح لى أن أقول لك :
الحل يا ابو خطاب
فى زمن هباب فى هباب
زى اللى بنعيش فيه
محتاج نشد الحيل
ونهد سور الليل
ونجيب عاليه واطيه
لا مستشار هيفيد
ولا خبير هيعيد
الفرح للى ناسيه !

شاعرنا الجميل المبدع سيد الموجى
اهلا بك معنا فى الواحة
ارجو ان يطيب لك المقام بيننا
كل الود والتحية لك

الشاعر الكبير / د 0 فوزى أبو دنيا
شرف لى أن أكون بينكم فى هذه الواحة وارفة الظلال والعامرة ببديع إبداعاتكم
ومنى لك خالص الود

أهلا بك أيها الفاضل في وحة الخير
فزورة جميلة
سلمت قلمك
تقبل خالص تقديري

عزيزتى / سحر الليالى
الأجمل من الفزورة هو رأيك فيها
دمت بكل الخير

	ستي قالت من زمن دا الحلة زي المرا محتاج دايماً غطا علي قدها مناسب **** كل العيون حلوة ما بين خد وحاجب مرسومة بالمسكرة وبمسطرة وحاسب **** بلاش هزار ونأوره معقول وزير عازب يفتي بسفور المره مين اللِّي هايحاسب **** يبقي الطبيخ ملوخية وقصعة فتة لغفير رز الحوار تسقية واللي يفتِّلنا وزير **** مطلوب حل القضية حل عملي ومريح بدكاترة يا ما ومداوية اصحاب علم وتوضيح لا الحلة تنفع من غير غطا ولا الزير يتغطي بطبلية