رباعيات للقدس
ياربى طول عمرى بابعد عن المنكر
ياربى مش سلبى .... إيجابى وبافكر
دا انا حتى لما انقتل ... محمد الدرة
طلعت فى مظاهرة أشجب وأستنكر
يارب مش بطران ولا كنت يوم ...عاصى
لكنى مش قادر اشعر. ......... بإخلاصى
وانا كل ثانيه باعيش . خنزير بيصفعنى
وف جحر ذل الويل بستنى ف خلاصــــى
يارب مش ناكر......... للفضل والمنة
يارب ومآمن.......... بالشرع والسنة
لكنى عندى سؤال ..... دايما محيرنى
هو اللى عاش خاضع ح يهوب الجنة
من كام سنة يا سكات...... وانت مجمعنا
من إمتى بات حلمنا ماسخ ملوش معنى
من أد إيه نفسنا...... يرجع صلاح الدين
وصلاح مايعرفناش .... ولاحتى يستعنى
لا كنت يوم قوال ولاكان كلامى... الماس
ومفيش ف أشعارى ريحة وهج وحماس
شاعر لكنى بليد وماليش ..... مكان بينكم
نفسى ومنايا أكون .... خدام لجند حماس
ف كتاب شموخ العرب خطيت انا خطين
ف العزة يا وطنى مالكش غير قيراطين
ياسين مع ولاده... حاجزين قيراط منهم
والتانى فى سجلك هو...... قيراط حطين