المشاركة الأصلية كتبت بواسطة الشربينى خطاب
إزاي ها يموت
يا أخوانا ليه قلبينها سياسة
دستورها مكر وفكْر حويط
أصل المربوط انسان عادي
لو مره بحبل أو وعد وعهد
تلقي عالضهره مقطف وغبيط
ماشي يا ولادها محني م القهر
بحمول وهموم مربوطة تربيط
سحبُه الكلاَّف أبو سوط ولجام
لسطبل الحاوي وزعيط ومعيط
وجراب الحاوي مليان تعابين
عايمة ع المية ف بحر غويط
أزاي هايموت الحوت ف الميَّة
دا البحر الثاير لو رمي موجه
ها تلاقي معونة من ألف محيط
أخي الشاعر الشربيني الخطاب
سعدت بمداخلتك الرائعة
وده أحلى خطاب منك في الساحة وفي الأشعار.
إنسانَّا العربي راجل مقهور
بصيت ولقيت على ضهره غبيط
مسحوب على وشه لشغل الغيط.
لا هُ عارف حزب ولا سياسة
ولا ثورة ومش غاوي التنطيط
صابر في حياته على المقدور
مكسور الخاطر كدة علطول
والقلب كبير مليان بالخير
بيعيش ع الهم ومستني
ربك يفرجها على الهلافيت