طير يا قلبي

طير يا قلبي وعند الهرم رفرف في السما عالي

وبلغ الأشواق والتحية للأدبا .. أهل المعالي

في الصومعة اجتماعهم ، يا نورهم في السما لالي

يا فرحة الواحة ، وكل من فيها

بأهل مصر ، ومصر الحبيبة عنها سؤالي

بلغوا كل حبة رمل ، وكل حتة طين

باحبها واغني فيها غناوي جدي وعيالي

ولو كنت بينكم اليوم أقول :

الواحة أمة ... والله أمة

وكل من فيها من خير الرجال

وشواعر ( شاعرات) كل واحدة شايلة هم أمة زي الرجال

وفكرها واصل مواصل ، واتفاقنا كلنا حسن الوصالِ

يا أهل مصر يا حتة مني

الله يبارك جمعكم ، ويحقق بالفروع كل آمالي


مأمون المغازي

بارك الله فيك أخي مأمون المغازي وفي الجمع الذي باركت له.
حقق الله أمانيهم في تأسيس دولة الوحدة التي لا تحدها حدود ولا تمنعها موانع.
وفقنا الله جميعاً لما فيه خير أمتنا.
تحياتي الخالصة.

مانيش عارف اقولك ايه
ولا قادر اقولك ليه
كلامى داب فى احساسى
وعقلى فاتنى من راسى
ولا راضى الكلام يطلع
..........................اعبر بيه

أختنا الكريمة : سارة الهاملي ، كل الشكر لكِ ، ونتمنى للأساتذة الأدباء في مصر دوام التألق ، ونتمنى للواحة كل الخير وأن تبقى دار عز للأدب والفكر والفن .

تقبلي احترامي وتقديري

مأمون المغازي

الأديب الرائع / مأمون المغازي ..

شوقتنا لأرض لمصر .. والنيل .. وأهل مصر .

بارك الله بك على كلماتك ومشاعرك الرقيقة الصادقة .

وبارك الله بأعضاء رابطة الواحة فرع مصر وكل الفروع ..

أيها الأوفياء الصادقين بعهدهم ..
لكم منا أجمل التحيايا وطاقات الورود .

تحيتي أيها الأديب الراقي في أدبك ومشاعرك .

علقوا الناف في رقبتي
وحرثت أرضك يا هرم
كسرت محراتي
صخرة مخفية
كشفت لي عن سرالخلود
المكتوب علي الحجارة
من فرحتي
زال عن قلبي الألم
****
فبدرت في أرض
الكنانة بذرتي
وريتها بدموع الصبايا
اللي ساكنة مهجتي
اخضرت قلوب الواحة
بسنابل وزهور فوَّاحة
فاضت الغيطان بالكرم
****
سألني ابو الهول الحزين
فين السواعد والهمم
اللي بنت صرح الحضارة
وعلِّمت كل البلاد والأمم
إزاي إتولد سر الحياة
علي إيد الإله من العدم

	خَدْنا الغَرْسَة عشان نزرعها على شط النيل ونرَعْرَعها لقيناها بتفرَح وبتطرَح أشعار بنقولها ونسمعها علشان أرض النيل طرّاحة بالخير تجمَعنا ونجمَعها شجرتنا فروعها أهي زادت فرع وهيكون أقوى فروعها طَمْي النيل هيقوّي جدورها وهيرفع راسنا ويرفعها والواحة هتفضل فوّاحة بجهودها وشموس إبداعها

تحياتي

للتثبيت احتفاء بافتتاح فرع مصر

شاعرنا الدكتور : فوزي أبو دنيا

اللي في القلب فوق الكلام بسنين

لو كنت حسّاب لقضيت العمر ويزيد

أعد كل نبضة حب ، وكل شوق وحنين

لحتة مني اسمها .. بلدي

ويوم جمعتكم الواحة كان عندي والله

زي يوم العيد

أديبتنا النقية : وفاء شوكت خضر

وفاء ، والوفاء اسمك ، والطبع دا طبعك

لو كنتِ مشتاقة لمصر الأم.. بالحق هنصارحك

نقول زي ستي ما قالت

كل بيت بيتك ، وأرضنا أرضك

تقبلي امتناني