المشاركة الأصلية كتبت بواسطة أحمد إبراهيم أحمد
--------------------------------------------------------------------------------
زخارف علي نقوش الماضي
________
أفتح بيبان الذكري والماضي
ألقي قصادي الغيم حبس عيني
أرمي عنيا جوة شباكك
بيصدني شيش الرؤي واغيب
التراكيب نقوش الفكرة سرقاني
ألقاني جوة تيه ووحدي غريب
أمسك سطور الذكري ف الكراس
حرفين صغار كنا كاتبينهم
هلت سنين الغربة ف جبينهم
إسمك قمر بيضوي ف الضلمة
لكنه مابيضحكش
راسم ضيا الرؤيا قصاد عيني
بينور الدرب اللي تاه مني
ويلم توبه الصبح ويهاجر
أسند إيديا لجذع شجرة قديم
أشعر برجفة كنا حاسينها
والمح ندا عينك : بلاش ترحل
لسة نقوش الذكري مالكاني
رغم ان لسة مكاني ماسبتوش
لكن وشوش الخلق مش باقية
لكن صورتك وحدها ف عيني
لكن صورتك
وحدها ف عيني
لكن صورتك وحدها ف عيني!!
تراكيب نقوش الفكرة سرقاني
ألقاني جوة التيه ووحدي غريب
الرائع دوما
ا/ احمد ابراهيم
اقول الله واحده ولا مليون الله
بجد عندك المقدره انك تهز قلوبنا بكلامك الجميل
وبتقدر تشد من جوانا الاه
يارب دايما متوهج
تحياتى وباقه ورود
رد مع اقتباس