مانع روحك انك حتى تدافع عنها
سايب كل الناس تظلمها
لما بترسم عينك ضحكه
وانت شفايفك ديمن ساكته
رافضة تبوح الاة الساكنه جوه ضلوعك
لجل ما يوضح لنا موضوعك
انك شاهد جوه قضية
كان مفروض يسمعله القاضى
قبل ما يحكم حكم اسياده انك جانى
كل خطيئتك ان بلاد الدنيا بحالها
صبحوا بلادك
وان ولاد الدنيا بحالها صبحو ولادك
فتحوا ملفلك اللى الحاجة الواحدة الصادقة
جوه سطورة ان علافه بيحمل اسمك
قعد القاضى يوجه ليك التهم الجاية
اية جابك للدنيا ....؟
ليه قلبك يوم حس بفرحه ....؟
ليه روحك كانت متسامحه ....؟
ليه عايز تعدل ف ميزانك ...؟
ليه قلبك حاسس بامانك ..؟
حتى النفس الطالع منك
كان بيعدوا عليك القاضى
قمنا صرخنا ليه مش عايز تنطق كلمه
لما جاوبني كانت اخر كلمه اسمعها تطلع منه
اية هيفدنى انى ادافع ولا اتكلم
لما يكون الحكم الصادر عارفه القاضى
قبل ما حتى يخش الجلسة
او يعرف اية هى التهمه
او يسمع منى ولا كلمة
يبقي كلامى زى سكوتى
اسكت احسن واضمن موتى
قبل ما يغلى الموت ف عنيا
او حتى يصبح امنيه