على الموضه

بقينا خلاص مجرد سلعه ع القنوات
وبنت الناس بتتعري
ومرميا ف حضن ابو شنبات
وتيجي تقول يا خلق حرام
يقولك هى دى الموضه
يعيش غلبان مع ولاده
ف كشك صفيح
بياخده الريح ويتمايل على كيفه
وكلب الست لابس صوف
ومعموله كمان اوضه
على الموضه
دهانها لاكيه ويمكن تتفرش سجاد
ولما بينعس ابن الــــــــناس
بيسمع قطعه موسيقيه
ويمكن برده اغنية
ينام يحلم
بكلبه شافها النادى
وناس تحلم
رغيف العيش
يصبح بكره حجمه كبير

رغيف كبيرفينو
من اللي لونه أبيض
نغمسْ به عيشنا السنْ
دا كان حلم جدي زمان
جدي اللي كان
فارس مع عرابي
مع أنه مات
ولا فيش في بقُّه
لا حتي ناب ولا سنْ
لكنه حارب جيوش القهر
وياما عض العافريت الزرقة
وباس عرايس الجنْ