:::( الله يعينك ):::
الله يا بلدي يعينك
على كل البايعينك
أنا شايف ضعفك
أنا حاسه
لكن بيني وبينك
صوتي وصل متأخر
واللي حصل متقدر
يعنى انا مهما
أقول وأعيد
لا حأقدم ولا أخر
دول قلبوكى وسية
وانا شايف بعنيا
كدب وظلم
وزيف وخداع
وخيانة وجاسوسية
وبإيه صوتى يفيد
وان كان عزمى حديد
لا انا عنتر
ولا شايل سيفه
ولا فيه عندى جديد
اللى حأقوله إتقال
والحال هو الحال
كله بيجرى
عشان مصلحته
شعبك دا ابن حلال!!
ملناش غير الرب
قولى معايا يارب
الظلم دا يبقى له نهاية
ورياح عدل تهب
وتعودى كما كنتى
لمكانتك يا أميرتى
واجرى عليكى
ف حضنى أضمك
وانهى عذابى وحيرتى
رد مع اقتباس
المشاركة الأصلية كتبت بواسطة جوتيار تمر
