|
أنا احبك .. أنا اودك .. انا ماقدر .. وكيف اصبر |
علي بعدك .. علي الفرقا .. علي شوقي لأعيانك |
تخيــــّــــل كثر أشواقك واشواقي اذا تقدر |
وكل ليله ..قضيناها.. مع احزاني وأحزانك |
بتلقي شوقي فى غيابك..عذابي وحزني الأكبر |
وكيف اصبر علي فراقك وحرماني وحرمانك |
حبيبي هذي اقداري أحبك كل يوم اكثر |
واعيش بغربة ايامي وهمي آصل اوطانك |
حبيبي لو انا ابكي واشكي حظي الأقشر |
حقيقه بفقد عيوني وتفقد أغلى خلانك |
حبيبي بنسي احزاني علي شاطي وله احمر |
واضمك حيل بإحساسي وعيش بدفىء شطئانك |
اشوفك كل يوم تمر بهيبة فارسي الأشعر |
ونا اسمع صوتك يدندن ورقص لك علي الحانك |
رسمتك داخل الاحساس صوره وبكره تتبلور |
.ويمكن اكتبك ديوان والقى اسمي في ديوانك |
بقوم أرسم معاني الحب رقيقه همسها يسحر |
ولحّن لك من اشواقي قصيد يهيض اشجانك |
وانا بوصفك ياروحي احس الهرج يتعثّر |
سحر ذيك العيون الحور يوميلي بأجفانك |
وسامحني اذا المعنى خذلني ومن خجل قصّر |
انا ان قمت اتغزل احس القلب ماصانك |
ولكن بكتب احساسي وبلّغ طيري الأخضر |
يوصّل لك رسالة شوق يرميها في أحضانك |
خياليّة علي مودك واحبك حيل ياأسمر |
واذا ربي عطانا حظ بشوفك والحق ازمانك |
وألبس ثوبي الابيض واتكحل واتعطّر |
وانقش لجلك كفوفي وتحملني علي حصانك |
واشوف الحين بسماتك علي وجناتك السكر |
وكن اسمعك تهمس لي :فديتك صح لي لسانك |
حبيبي فارس احلامي هويتك من زمن عنتر |
أنا احبك .أنا اريدك انا الولهانه لاعيانك |