لازم تعود
حبيبي افترقنا وفاتت سنين
و لسه فى قلبى وقلبك حنين
بنتمنى نرجع
فراقنا بيوجع
وزايد علينا كمان الأنين
عايزنى وعايزك ودايب غرام
ومحتاج لحضنى وعندك كلام
أمانة تصارحني
سكاتك جارحنى
فراقنا دا غلطة وبعدك حرام
وسيبك وسيبنى ماضيا وماضيك
ح اشيلك ف عينى وشيلنى ف عنيك
دا انا توهت بعدك
وجننى بعدك
وليل التمني بينده عليك
حبيبي غرامك يفوق الحدود
بحبك ... بحبك... ولازم تعود
لا حاسس بعمري ولا بأي شيء
مافيش غير دموعي وأهه وضيق
وأقول لو حبيبي
وفعلا دارى بى
ح يجى يكمل معايا الطريق
حبيبي يا أول وأخر حبيب
حياتي بغيرك عايشها غريب
همومي بتكتر
وجرحى بيكبر
و مين غيرك آنت دوايا وطبيب
تعالى وسامحني وبعد السماح
حتدبل جراحنا وتهدى الجراح
طاوعني وقرّب
نحاول... نجرب
نكون تانى إحنا وننسى اللي راح
أمانه لاصونك واصون العهود
بحبك ... بحبك ... ولازم تعود