الغلا يسري
الغـــلا يسـري
أحبك والغلا يسري
بدمي وسط شرياني
أحبك يابعد عمري
ولا لك بالغلا ثاني
فديتك بس لو تدري
غرامك وين وداني
سرقني وامتحن صبري
بشوقي حيل بكاني
دموعي كالنهر تجري
بخدي فوق ودياني
ياليتك ترجع لصدري
واضمك بين احضاني
وتلمس ناري وجمري
وتعرف حجم بركاني
أحبك ياضوى فجري
ونوري بين اوطاني
يازهرة حبي العذري
وساكن بين وجداني
احبك وامتلى شعري
بإسمك غنت الحاني
قصيده نبضها حبري
عشانك يابعد شاني
اشمك حتى في عطري
وأشوفك حتى باخواني
تغلغل حبك الخمري
بنبضي لين اشقاني
فديتك حتى في قبري
بشيلك بين أكفاني
تحيتي لكم
رد مع اقتباس
المشاركة الأصلية كتبت بواسطة سحر الليالي
